సామాజిక బాధ్య‌త‌కు చిరునామా ‘ట్యూట‌ర్స్ ప్రైడ్’

 

వ్యాపారం చేయ‌డం.. లాభాల‌ను సాధించ‌డం… కార్పోరేట్ రంగంలో ప్ర‌తీ కంపెనీ ప్ర‌ధాన ల‌క్ష్యం ఇదే. అయితే లాభార్జ‌నే ద్యేయంగా ప‌నిచేసే కొన్ని కంపెనీలు ఆ లాభాల వేట‌లో ప‌డి సామాజిక బాధ్య‌త‌ను విస్మ‌రిస్తాయి. పూర్తి స్థాయి వ్యాపార సంస్థ‌లుగా మారిపోయాక సామాజిక సేవ‌, బాధ్య‌త‌ల‌ను గాలికొదిలేస్తాయి. అయ‌తే కొన్ని సంస్థ‌లు మాత్రం ప్రారంభం నుంచి వ్యాపార ల‌క్ష్యాన్ని సాధిస్తూనే కీల‌కమైన సామాజిక బాధ్య‌త‌ను మాత్రం మ‌ర్చిపోకుండా నెర‌వేరుస్తూ ఉంటాయి. పురుడు పోసుకుని రెండేళ్లే అవుతున్నా సామాజిక బాధ్య‌త‌లో మాత్రం రెండు ద‌శాబ్దాల కంపెనీల‌కు ధీటుగా నిల‌బ‌డుతోంది ట్యూట‌ర్స్ ప్రైడ్.

 

 

ఆన్ లైన్ ట్యూట‌రింగ్, ఆన్ లైన్ త‌ర‌గ‌తులు అందించే సంస్థ‌గా ప్ర‌స్థానం ప్రారంభించిన ట్యూట‌ర్స్ ప్రైడ్ విద్యా రంగంలో ఒక కొత్త అధ్యాయానికి శ్రీకారం చుట్టింది. ప్రారంభించి ఇంకా రెండేళ్లు పూర్తి కాకుండానే ట్యూట‌ర్స్ ప్రైడ్ లో ప్ర‌స్తుతం 6 ల‌క్ష‌ల మంది ట్యూట‌ర్లు రిజిష్ట‌ర్ అయ్యారు. ఇది ఆన్ లైన్ ట్యూట‌రింగ్ రంగంలో ఒక న‌యా విప్ల‌వం అని చెప్పొచ్చు. అలాగే దాదాపు 50 వేల మంది విద్యార్ధులు ట్యూట‌ర్స్ ప్రైడ్ లో త‌మ పేరును రిజిష్ట‌ర్ చేసుకున్నారు. ట్యూట‌ర్స్ ప్రైడ్ లో ఒక విశిష్ఠ‌త‌, ప్ర‌త్యేకత ఏంటంటే ఇందులో దాదాపు 6500 కి పైగా కోర్సులు అందుబాటులో ఉన్నాయి. అక‌డమిక్ తో పాటు నాన్ అక‌డ‌మిక్ లో ఎటువంటి కోర్సును అయినా నేర్చుకునేందుకు ట్యూట‌ర్స్ ప్రైడ్ లో ట్యూట‌ర్స్ అందుబాటులో ఉన్నారు.

 

 

రెండేళ్ల‌లో ఇన్ని ఘ‌న‌త‌లు సాధించిన ట్యూట‌ర్స్ ప్రైడ్ ఒకవైపు త‌న కార్య‌క‌లాపాల‌ను విస్త‌రిస్తూనే మ‌రోవైపు ప‌లు సామాజిక కార్య‌కలాపాల‌ను నిర్వ‌హిస్తోంది.సామాజిక మార్పుకు శ్రీకారం చుట్టే సంస్కృతి ప‌రిర‌క్ష‌ణ‌, మ‌హిళా సాధికార‌త‌, విద్య, వైద్యంపై దృష్టి సారించి ఆయా కార్య‌క్ర‌మాల‌కు ఆర్థిక సాయాన్ని అందిస్తోంది. అత్యుత్త‌మ టీచ‌ర్ల‌ను స‌త్క‌రించే ఐటాప్ అవార్డుల కార్య‌క్ర‌మానికి గ‌డిచిన రెండేళ్లుగా ట్యూట‌ర్స్ ప్రైడ్ ప్ర‌ధాన స్పాన్స‌ర్ గా వ్య‌వ‌హ‌రిస్తోంది. అలాగే ఈ ఏడాది భారీ ఎత్తున నిర్వ‌హించిన లేడీ లెజెండ్స్ అవార్డు కార్య‌క్ర‌మానికి కూడా ప్ర‌ధాన స్సాన్స‌ర్ ట్యూట‌ర్స్ ప్రైడ్ సంస్థే. అలాగే ఔత్సాహిక పారిశ్రామిక‌వేత్త‌ల‌ను, స్పార్ట‌ప్ ల‌ను ప్రోత్సహించేందుకు నిర్వ‌హిస్తున్న వ‌ర్క్ షాప్ ల‌కు కూడా ఆర్థిక స‌హాయాన్ని చేస్తోంది.

 

 

వ‌చ్చే రెండేళ్ల‌లో ప్ర‌తీ ఇంటికీ విస్త‌రించాల‌ని ట్యూట‌ర్స్ ప్రైడ్ భావిస్తోంది. ప్ర‌తీ పిల్ల‌వాడు, ప్ర‌తీ త‌ల్లిదండ్రుల‌కు ట్యూష‌న్ లేదా ప్ర‌త్యేకమైన శిక్ష‌ణ కావాల్సి వ‌చ్చిన‌ప్పుడు ట‌క్కున గుర్తుకు వ‌చ్చే సంస్థ‌గా రూపాంత‌రం చెందాల‌ని ట్యూట‌ర్స్ ప్రైడ్ యాజ‌మాన్యం ల‌క్ష్యం. పిల్ల‌ల భ‌ద్ర‌తే ప్ర‌ధాన అజెండాగా అదే స‌మ‌యంలో నాణ్య‌మైన ట్యూట‌ర్స్ ను అందించ‌డ‌మే ధ్యేయంగా పెట్టుకుంది. అందుకోసం ప్ర‌త్యేక ఇంట‌ర్వ్యూల‌ను నిర్వ‌హించి ఆ త‌ర్వాత మాత్ర‌మే ట్యూట‌ర్స్ ను రిక్రూట్ చేసుకుంటోంది. అటు వ్యాపారంలోనూ ఇటు సామాజిక బాధ్య‌త‌లోనూ దూసుకుపోతున్న ట్యూట‌ర్స్ ప్రైడ్ కు ‘కెరీర్ టైమ్ ఆన్ లైన్’ ప్ర‌త్యేక శుభాకాంక్ష‌లు తెలియ‌జేస్తోంది.

 

వైభ‌వంగా ఐటాప్ – 2018 అవార్డుల ప్ర‌ధానోత్సవం

 

అత్యుత్త‌మ ఉపాధ్యాయుల‌ను ఘ‌నంగా స‌త్క‌రించే ఐటాప్ 2018 అవార్డుల కార్య‌క్ర‌మం అక్టోబ‌ర్ 2 న హైద‌రాబాద్ లో ఘ‌నంగా జరిగింది. న‌గ‌రంలో హైటెక్ సిటీ స‌మీపంలో ఉన్న ట్రైడెంట్ హోట‌ల్ లో అంగ‌రంగ వైభ‌వంగా ఈ అవార్డుల వేడుకను నిర్వ‌హించారు. హైద‌రాబాద్ కేంద్రంగా కార్య‌క‌లాపాలు నిర్వ‌హిస్తున్న ట్యూట‌ర్స్ ప్రైడ్ సంస్థ ఈ అవార్డుల కార్య‌క్ర‌మానికి ప్ర‌ధాన స్పాన్స‌ర్ గా వ్య‌వ‌హరించింది.

 

 

20 కి పైగా విభాగాల్లో అక‌డ‌మిక్, నాన్ అక‌డ‌మిక్ ఉపాధ్యాయుల‌ను ఐటాప్ 2018 అవార్డుల కార్య‌క్ర‌మంలో స‌త్క‌రించారు. ఇందులో ఒక‌రికి మ‌హా మ‌హోపాధ్యాయ అవార్డు, 5 గురుకి జీవిత కాల సాఫ‌ల్య పుర‌స్కారం, 100 మందికి ఐటాప్ అవార్డులు అందుకున్నారు. అలాగే మ‌రో 70 మంది స్పెష‌ల్ జ్యూరీ అవార్డును అందుకున్నారు.

అత్యంత ప్ర‌తిష్టాత్మ‌క‌మైన ఐటాప్ 2018 అవార్డు కోసం దాదాపు 700 మంది అక‌డ‌మిక్ , నాన్ అక‌డమిక్ ఉపాధ్యాయులు, కోచ్ లు, ప్రొఫెస‌ర్లు, డీన్ లు, ప్రిన్సిపాల్ లు నామినేష‌న్లు వేసారు. అత్యంత క‌ఠిన‌త‌ర‌మైన ఎంపిక ప్ర‌క్రియ అనంత‌రం జ్యూరీ సభ్యులు అవార్డు గ్ర‌హీత‌ల‌ను ప్ర‌క‌టించారు. నామినేష‌న్ వేసిన ప్ర‌తీ ఒక్క‌రూ కార్యక్ర‌మంలో పాల్గ‌నే వీలుండ‌టంతో దాదాపు 1000 మంది వ‌ర‌కూ ఈ కార్య‌క్ర‌మానికి హాజ‌రయ్యారు.

 

 

దేశంలోని మారుమూల గ్రామీణ ప్రాంతాల నుంచి మొద‌లుకుని మెట్రో సిటీల్లో ఉన్న విశ్వ‌విద్యాల‌యాల్లో ప్రొఫెస‌ర్లుగా, డీన్లుగా ప‌నిచేస్తున్న వారు ఈ కార్య‌క్ర‌మంలో పాలుపంచుకోవ‌డం విశేషం. ఉమ్మ‌డి ఆంధ్ర‌ప్ర‌దేశ్ మాజీ ముఖ్య‌మంత్రి వ‌ర్యులు, శ్రీ కొణిజేటి రోశ‌య్య గారు ముఖ్య అతిధిగా విచ్చేసిన ఈ కార్య‌క్ర‌మంలో తెలంగాణా శాస‌న మండ‌లి ఛైర్మ‌న్, స్వామి గౌడ్ గారు, తెలంగాణా బీసీ క‌మీష‌న్ ఛైర్మ‌న్ శ్రీ బీ.సీ. రాములు గారు, సాగునీటి రంగ నిపుణులు, తెలంగాణా వాట‌ర్ రీసోర్సెస్ డెవ‌ల‌ప్ మెంట్ కార్పోరేష‌న్ ఛైర్మ‌న్. శ్రీ వీర‌మ‌ళ్ల ప్ర‌కాశ్ రావు గారు, తెలుగు విశ్వ‌విద్యాల‌యం వైస్ ఛాన్సెల‌ర్ శ్రీ. ఎస్.వీ. స‌త్య‌నారాయ‌ణ గారు, ప‌లువురు ఐఏఎస్ ఆఫీస‌ర్లు, రాజ‌కీయ నాయ‌కులు, ప్ర‌ముఖులు ఈ కార్య‌క్ర‌మంలో పాల్గొన్నారు.

 

 

చిన్న స్థాయి , గ్రామీణ ప్రాంత ఉపాధ్యాయుల‌ను చిన్న చిన్న వేదిక‌ల‌పై స‌త్క‌రించ‌డం అన్న‌దే మ‌నం ఇప్ప‌టివ‌ర‌కూ చూసాం. కానీ ట్యూట‌ర్స్ ప్రైడ్ వారి స‌హ‌కారంతో ఐటాప్ 2018 లో ఉపాధ్యాయుల‌ను హైద‌రాబాద్ లో ఖ‌రీదైన ట్రైడెంట్ హోట‌ల్ లో వారికి ఒక ఆనంద అనుభూతిని పంచుతూ అందించ‌డం నిజంగా అభినంద‌నీయం.

 

ఆ కీలక ‘మలుపు’ మీ జీవితాన్ని మార్చేస్తుంది!!

 

ఒక మ‌నిషి త‌న‌ వ్యక్తిగ‌త జీవితంలో కానీ అటు వృత్తి వ్యాపారాల్లో ఉన్న‌తంగా రాణించాలంటే క‌ష్టించే ల‌క్ష‌ణం ఉండాలి. క‌ష్టం, నేర్చుకోవాల‌న్న త‌ప‌న‌, నేర్చుకున్న దాన్ని ఆచ‌రించే నేర్పు మాత్ర‌మే విజ‌యవంత‌మైన మ‌నుష్యుల‌ను త‌యారు చేస్తాయి. కానీ కేవ‌లం క‌ష్ట‌ప‌డితే స‌రిపోదు.. దాన్ని ఎంత‌వ‌ర‌కూ కొన‌సాగించాలి అన్న అతి ముఖ్య‌మైన విష‌యం కూడా తెలిసి ఉండాలి. చాలా మంది క‌ష్ట‌ప‌డ‌తారు కానీ అస‌లైన ఫ‌లితం వ‌చ్చే కీల‌క స‌మ‌యంలో విర‌మించుకుంటారు. దీని వ‌ల‌న విజ‌యానికి దూర‌మ‌వుతారు. మ‌నం నీటిని 100 డిగ్రీల సెంటీగ్రేడ్ వ‌ర‌కూ మ‌రిగిస్తే కానీ అది ఆవిర‌య్యే స్థితికి రాదు. అంటే మార్పు అనేది 100 డిగ్రీల వ‌ద్ద సంభ‌వించింది. 100 డిగ్రీల వ‌ద్దే నీరు ఆవిర‌య్యే స్థితికి చేరుకుంది కాబ‌ట్టి మిగిలిన 99 డిగ్రీల పాటు ఖ‌ర్చు చేసిన శ్ర‌మ అంతా వృధా అని కాదు. అంత‌వ‌ర‌కూ ఆ కృషిని ఒకే విధమైన‌ తీవ్ర‌త‌తో కొన‌సాగించ‌బ‌ట్టే 100 డిగ్రీల స్థాయికి చేరుకుని అనుకున్న ఫ‌లితం వ‌చ్చింది. అలాగే వ్యాపారంలో కానీ కెరీర్ లో కానీ అనుకున్న ఫ‌లితం రావాలంటే క‌ష్ట‌ప‌డ‌టాన్ని కొన‌సాగించాలి. కొద్ది రోజులు ప్ర‌య‌త్నం చేసి మ‌న వ‌ల్ల కావ‌డం లేదు, మంచి ఫ‌లితాలు, లాభాలు రావ‌డం లేద‌నుకుని ప్ర‌య‌త్నాన్ని నిలిపేస్తే కీల‌క‌మైన మార్పును చూసే స‌ద‌వకాశాన్ని కాల‌ద‌న్నుకున్న‌ట్టవుతుంది.

 

 

 

ఒక కీల‌క ఆవిష్కర‌ణ‌ను కొన‌సాగించ‌డ‌మే అభివృద్ధి!

 

మానవ ప‌రిణామ క్ర‌మాన్ని తీసుకుంటే అప్ప‌టివ‌ర‌కూ లేని ఒక ఆవిష్క‌ర‌ణను చేసి దాన్ని అదే తీవ్ర‌త‌తో కొన‌సాగించుకుంటూ వెళ్ల‌డం. ఈ అంశ‌మే సృష్టిలో మాన‌వున్ని తెలివైన జీవిగా నిల‌బెట్టింది. రాతి యుగం నుంచి ఇప్ప‌టి ఆధునిక యుగం వ‌ర‌కూ మ‌నం ఇంత‌టి అభివృద్ధి సాధించామంటే దానికి కార‌ణం ఈ ల‌క్ష‌ణ‌మే. గ్రాహంబెల్ టెలిఫోన్ క‌నిపెట్టాడ‌ని ఆ ఆవిష్క‌ర‌ణ అక్క‌డితో ఆగిపోలేదు. దాన్ని స్ఫూర్తిగా తీసుకుని అదే ఆవిష్క‌ర‌ణ‌కు మార్పులు చేస్తూ అదే తీవ్ర‌త‌తో సెల్ ఫోన్, పేజ‌ర్, స్మార్ట్ ఫోన్ ఇలా మ‌నిషి స‌మాచార ఆవిష్క‌ర‌ణలు కొన‌సాగుతూనే ఉన్నాయి. ఒక కొత్త విష‌యాన్ని పునాదిగా చేసుకుని దానిపై కొంగొత్త మార్పును నిర్మించుకుంటూ వెళ్తున్నారు. ఇప్పుడు ఇన్ని స‌దుపాయాల‌తో స్మార్ట్ ఫోన్ ఉంద‌ని, గ్రాహంబెల్ టెలిఫోన్ ను త‌క్కువ చేయ‌డానికి వీలులేదు. స్మార్ట్ ఫోన్ ఆవిష్క‌ర‌ణకు మూలం టెలిఫోన్. క‌ష్టం అనే ముడి స‌రుకును ఉప‌యోగించి కీల‌క ద‌శ‌కు చేరుకునేందుకు నిరంత‌రం కృషి చేయ‌డమే అభివృద్ధి అంటే.

 

 

 

మార్పు సంభ‌వించే వ‌ర‌కూ నువ్వు బ‌రిలో ఉన్నావా?

 

అంద‌రికీ వ‌ర్తించే ఒక సాధార‌ణ ఉదాహ‌ర‌ణ‌ను తీసుకుంటే ..మ‌నలో చాలా మంది జిమ్ కు వెళుతూ ఉంటాం. కానీ కొంద‌రే జిమ్ కు వెళ్లే అల‌వాటును కొన‌సాగిస్తారు. అందులో కూడా కొంద‌రికే అనుకున్న‌ ఫ‌లితాలు వ‌స్తాయి. ఎందుకు? ఒక ప‌ద్ధ‌తి ప్ర‌కారం క్ర‌మ‌శిక్ష‌ణ‌తో ఫిట్ నెస్ ల‌క్ష్యాన్ని కొన‌సాగించ‌డం ఒక ఎత్తైతే, కీల‌క‌మైన, మార్పు సంభ‌వించే స‌మ‌యంలో క‌ష్టాన్ని ఓర్చుకోవ‌డం మ‌రో ఎత్తు. మ‌నం ఏదైనా ఒక శారీర‌క వ్యాయామం చేస్తున్న‌ప్పుడు చివ‌రి 30 సెక‌న్ల‌లో ఓర్చుకోలేని క‌ష్టం, శ్ర‌మ ఉంటాయి. దాన్ని త‌ట్టుకుని ల‌క్ష్యాన్ని చేరుకోవ‌డ‌మే విజ‌యం. అలా త‌ట్టుకున్న వాళ్లే మంచి ఆరోగ్యాన్ని , శ‌రీరాకృతిని సొంతం చేసుకుంటారు. మొద‌టి రెండు నిమిషాలు బాగా వ్యాయామం చేసి మార్పు సంభ‌వించే చివ‌రి 30 సెక‌న్ల‌లో క‌ష్టాన్ని త‌ట్టుకోలేక దాన్ని మ‌ధ్య‌లో వ‌దిలిపెట్టే వాళ్లే ఎక్కువ‌. అందుకే ఫిట్ నెస్ విజేత‌లు చాలా త‌క్కువ మంది ఉంటారు. ఈ ఉదాహ‌ర‌ణ‌ను మ‌నం జీవితంలో అన్ని విష‌యాల‌కు అన్వ‌యించుకోవ‌చ్చు. వృత్తి , వ్యాపారం, వ్య‌క్తిగ‌త ఎదుగుద‌ల ఇలా దేనికైనా అన్వ‌యించుకోవ‌చ్చు. ఒక విష‌యం కోసం, ఒక ప‌ని కోసం, ఒక ల‌క్ష్యం కోసం ప‌ని చేయ‌డం మొద‌లుపెట్టిన‌ప్ప‌డు మొద‌టి నుంచి ఒకే తీవ్ర‌త‌తో ప‌నిచేస్తూ మార్పు సంభ‌వించే కీల‌క‌మైన స‌మ‌యంలోనూ దాన్ని ప‌ట్టువిడ‌వ‌కుండా కొన‌సాగించ‌గ‌ల‌గాలి. అప్పుడే విజేత‌గా మారేందుకు వీలుంటుంది.

 

 

కీల‌క‌మైన మార్పుకు ఒక్కసారిగా చేరుకోవాలంటే సాధ్యం కాదు!

 

చాలా మంది యువకులు, ఔత్సాహికులు ఇప్పుడు వ్యాపారంలోకి వచ్చేందుకు రెడీ అవుతున్నారు. ఇది మంచి పరిణామమే. అయితే ఓపిక, కష్టాన్ని ఎంత వరకూ కొనసాగించాలన్న కీలకమైన దశలో వాళ్లు విఫలమవుతున్నారు. వ్యాపారంలో రాణించాలంటే కష్టపడటం ఒక్కటే సరిపోదు. దాన్ని ఎంతకాలం కొనసాగించాలి? ఏ స్థితిలో ఫలితాలు రాబట్టుకుంటాయ్ అన్నదానిపై వాస్తవ సదృశ్యమైన అవగాహన ఉండాలి. వ్యాపారం మొదలుపెట్టిన వెంటనే మొదటి ఎటువంటి లాభం రాలేదు అనుకుందాం. ఇటువంటి సందర్భంలో చాలా మంది ఎలా ఆలోచిస్తారంటే పని చేసా కానీ ఫలితం రాలేదు అనుకుంటారు. అలాగే నేను సమయం వృధా చేసాను. నేను సరిగా వ్యాపారం చేయలేదు..ఇలాంటి ఆలోచనలతో మధన పడుతూ ఉంటారు. అది చాలా తప్పు ఆలోచన. నువ్వు ఒక లక్ష్యం కోసం పనిచేస్తున్నప్పుడు వెంటనే అనుకున్న ఫలితాలు రావు. కష్టాన్ని కొనసాగించినప్పుడు ఒక స్థాయి దగ్గర ఫలితాలు రావడం మొదలుపెడతాయి. అంతకు ముందు చేసిన కష్టం వల్లనే అది సాధ్యమైంది. అంత వరకూ ఓపిగ్గా, ఒక వ్యూహంతో ఉండటమే విజయం. ప్రకృతి కూడా మనకు వేచి ఉండి సాధించాలన్న సూత్రాన్ని నిర్దేశించింది. మనిషి తన భాగస్వామితో భావోద్రేకం చెంది శృంగారం చేయాలన్నా..అందులోని ఆనందాన్ని అనుభవించాలన్నా..చివరి స్థాయి వరకూ వేచి ఉండాల్సిందే. వేచి చూస్తున్నావా? కష్టపడుతున్నావా? అన్న విషయాలే చివరకు నీ విజయాన్ని నిర్దేశిస్తాయి.

 

 

గెలుపుకు, ఓటమికి మధ్య తేడా కొన్ని సెకన్లు మాత్రమే!

 

మనందరికీ జమైకా చిరుత ఉసేన్ బోల్ట్ కోసం తెలుసు. పరుగు పందెంలో ఎన్నో ప్రపంచ రికార్డులను కైవసం చేసుకున్న ఉసేన్ 100 మీటర్ల పరుగులో తన ప్రత్యర్ధుల కంటే కేవలం ఒకట్రెండు సెకన్ల ముందుంటాడు. కేవలం ఒకటి రెండు సెకన్లు మాత్రమే విజేతలను నిర్ణయిస్తాయి. చివరి స్థాయిలో ఎవరు అత్యుత్తమ ప్రదర్శన కనబర్చారన్నదే ఇక్కడ కీలకం. పరీక్షలు, వ్యాపారం ఏదైనా బాగా కష్టపడి ఒక కీలకమైన మలుపు వరకు వేచి చూసినప్పుడే ఫలితాలు వస్తాయి. ఆ ఫలితాలు వచ్చే ముందు తలెత్తే సమస్యలు ఎదుర్కొని ధైర్యంగా ఎవరు వేచి చూస్తారో వారే విజేత. మార్పు అనేది సహజం. అది సంభవించేందుకు కొంత సమయం పడుతుంది. విజయాన్ని అందుకోవడానికి ప్రయత్నిస్తున్న చివరి నిమిషం వరకూ వేచి చూసి, ఓపిక వహించాలి. పన్నెండేళ్ల పాటు తెలంగాణా ఉద్యమాన్ని కెసీఆర్ మధ్యలో ఎన్నో కష్టాలు వచ్చినా పార్టీని అలా కొనసాగించాడు. చివరికి ఫలితం వచ్చింది. కష్టం వచ్చినప్పుడు ఇంకెందుకులే అని నిరాశ చెందితే అత్యున్నత స్థాయికి ఎప్పటికీ చేరుకోలేం. కష్టపడు..ఓర్చుకో..కీలకమైన మలుపు దగ్గర మరింతగా శ్రమించు..విజయం నీ మీ వెంటే ఉంటుంది.

 

 

( ఈ ఆర్టికల్ మీకు స్పాన్సర్ చేసిన వారు) 

 

 

అక్టోబ‌ర్ 2 న‌ ప్ర‌తిష్టాత్మ‌క టీచింగ్ అవార్డుల కార్య‌క్ర‌మం ITAP-2018

 

 

 

  • ఉత్త‌మ ఉపాధ్యాయుల‌కు అద్భుత అవ‌కాశం
  • నామినేష‌న్ల ప్ర‌క్రియ జ‌రుగుతోంది
  • దేశంలోనే అత్యుత్త‌మ టీచ‌ర్స్ అవార్డుల కార్య‌క్ర‌మం
  • బెస్ట్ టీచ‌ర్స్ ను ఒక‌చోట క‌లిపే అద్భుత వేదిక
  • 7 స్టార్ హోట‌ల్ లో రాజ‌కీయ‌, సినీ, పారిశ్రామిక‌ ప్ర‌ముఖల‌తో అవార్డుల ప్ర‌ధానం

 

ఉపాధ్యాయుడు ఒక విద్యార్ధి భ‌విష్య‌త్ ను తీర్చిదిద్దే మార్గ‌ద‌ర్శ‌కుడు. ఒక మ‌నిషి త‌ల్లిదండ్రుల త‌ర్వాత పూజించాల్సింది గురువునే. జీవితాంతం సేవ చేసుకున్నా మ‌నం మ‌న గురువు రుణం తీర్చుకోలేము. ప్ర‌త్య‌క్ష దైవం లాంటి గురువును గౌర‌వించుకునే, గుర్తుచేసుకునే సంప్ర‌దాయం మెల్ల‌గా క‌నుమ‌రుగవుతోంది. కార‌ణాలు ఏమైతే కానీ గురువుకు గుర్తింపు ఉండ‌టం లేదు..గౌర‌వం ఉండ‌టం లేదు. ఇటువంటి ప‌రిస్థితుల్లో గురువు యొక్క గొప్ప‌త‌నాన్ని నేటి త‌రానికి చాటిచెప్పి, అత‌న్ని గౌర‌వించుకునే స‌త్సాంప్ర‌దాయానికి శ్రీకారం చుట్టింది. రాజా ర‌త్న హెల్త్ కేర్ అండ్ ఎడ్యుకేష‌న‌ల్ ట్ర‌స్ట్. ఐడియల్ టీచింగ్ అవార్డ్ ప్రొగ్రామ్ పేరిట ప్ర‌తీ ఏటా మంచి ప‌నితీరు క‌న‌బ‌ర్చిన టీచ‌ర్ల‌ను అవార్డుల‌తో స‌త్క‌రిస్తోంది. రాజా ర‌త్న హెల్త్ కేర్ అండ్ ఎడ్యుకేష‌న‌ల్ ట్ర‌స్ట్ చేస్తున్న ఈ గొప్ప కార్య‌క్ర‌మాన్ని చూసి ట్యూట‌ర్ ప్రైడ్ సంస్థ ఈ అవార్డుల కార్య‌క్ర‌మానికి ప్ర‌ధాన స్పాన్స‌ర్ గా వ్య‌వ‌హ‌రిస్తోంది.

 

 

 

 

ఈ ఏడాదికి గాను అక్టోబ‌ర్ 2 న‌ ఈ అవార్డుల కార్య‌క్ర‌మం నిర్వ‌హించ‌నున్నారు. దేశంలోనే తొలిసారిగా టీచ‌ర్స్ కోసం ప్ర‌త్యేకంగా నిర్వ‌హిస్తున్న ఈ కార్య‌క్ర‌మంలో ప్ర‌తీ టీచ‌ర్ పాల్గొనాల్సిందిగా అవార్డు నిర్వాహ‌కులు కోరుతున్నారు. ఒక్క అక‌డ‌మిక్ టీచ‌ర్స్ మాత్ర‌మే కాకుండా నాన్ అక‌డ‌మిక్ టీచ‌ర్స్ కూడా ఇందులో పాల్గొంటున్నారు. మ‌న రెండు తెలుగు రాష్ట్రాల‌తో పాటు దేశంలోని అన్ని ప్రాంతాల నుంచి టీచ‌ర్స్ ఈ కార్య‌క్ర‌మానికి వ‌స్తున్నారు. ఫ్రొఫెస‌ర్స్ ద‌గ్గ‌ర్నుంచి డీన్ లు, ప్రిన్సిప‌ల్స్ , యోగా టీచ‌ర్స్ , అక‌డ‌మిక్ టీచ‌ర్స , లెక్చ‌ర‌ర్స్ ఇలా అన్ని విభాగాల నుంచి టీచ‌ర్స్ ఇందులో పాల్గొంటారు. ఆలోచ‌న‌ల‌ను క‌ల‌బోసుకునేందుకు, అభిప్రాయాల‌ను పంచుకునేందుకు అదే స‌మ‌యంలో మీ ప్ర‌తిభను ప్ర‌పంచానికి ప‌రిచ‌యం చేసే ఒక ప్రతిష్ఠాత్మ‌క అవార్డును అందుకునేందుకు ఇదో అద్భుత అవకాశం. ఇప్పుడే నామినేష‌న్ వేయండి.

 

ఇప్ప‌డే సంప్ర‌దించండి.

 

Website :  www.itapawards.com

Email  :  itapawards@gmail.com

Mobile : +91-7396583407 , 8247367450

 

అవార్డుల జ్యూరీ

 

 

 

అవార్డుల కార్య‌క్ర‌మం షెడ్యూల్

 

       

 

 

వేదిక

ట్రైడెంట్ హోట‌ల్, మాదాపూర్, హైద‌రాబాద్ 

 

 

 

 

 

ఈ ప్రతిష్టాత్మ‌క ఈవెంట్ లో పాల్గొన‌డం వ‌ల‌న ప్ర‌యోజ‌నాలు

 

1. దేశంలోనే అత్యుత్త‌మ అవార్డును సాధించే వీలు.
2. తెలుగు మీడియాతో పాటు నేష‌న‌ల్ మీడియా క‌వ‌రేజీ
3. మీ రంగాల్లో ఉన్న ఇత‌ర ఉపాధ్యాయుల‌ను, ప్ర‌ముఖుల‌ను క‌లుసుకునే అవ‌కాశం
4. మీ ప్ర‌తిభ‌ను వెల్ల‌డి చేస్తూ, మీ సేవ‌ల‌ను గుర్తింపు
5. మీ వంటి అభిరుచులు ఉన్న వ్య‌క్తుల‌ను క‌లుసుకోవ‌డం
6. అన్నింటికంటే ముఖ్యంగా ఎంద‌రో ప్ర‌ముఖుల సమ‌క్షంలో అవార్డును అందుకునే ఒక మ‌ధుర జ్ఞాప‌కం

 

Ticket Pricing

 

 

పాస్ ల కోసం ఈ క్రింది వెబ్ లింక్ ల‌ను క్లిక్ చేయండి.

 

www.itapawards.com

https://www.meraevents.com/event/itapawards

 

(Please note that all payments are processed, and pass is non-refundable. It is advised to books the tickets at the earliest.)

బాగా కిక్ ఇచ్చే డ్రగ్స్ ఏంటో తెలుసా?

 

 

ఇప్పుడు మ‌న దేశంలో మాద‌క ద్ర‌వ్యాలు అతిపెద్ద స‌మ‌స్య‌గా ప‌రిణ‌మించాయి. మాద‌క ద్ర‌వ్యాల‌కు బానిస‌లుగా మార‌డంతో ఉత్సాహంతో ఉర‌క‌లెత్తాల్సిన యువ‌త, జ‌వ‌స‌త్వాలు ఉడిగి య‌వ్వ‌నంలోనే శారీరకంగా మానసికంగా నిర్వీర్వ‌మైపోతున్నారు. పంజాబ్ లాంటి రాష్ట్రాల్లో అయితే ఏకంగా కుటుంబాల‌కు కుటుంబాలే నాశ‌న‌మై ఆ రాష్ట్ర ఆర్థిక వ్య‌వ‌స్థ కుప్ప‌కూలిపోయే ప‌రిస్థితి ఏర్ప‌డింది. ప్ర‌భుత్వాలు ఎన్ని ఊక‌దంపుడు ఉప‌న్యాసాలు ఇచ్చినా మ‌న దేశంలో ఇప్ప‌టికీ మాద‌క ద్ర‌వ్యాలు సులువుగానే దొరుకుతున్నాయి. ఒకవైపు దేశానికి వెన్నుముక లాంటి యువ‌త మాద‌క‌ద్ర‌వ్యాల సేవ‌నంతో ప‌త‌న‌మ‌వుతుంటే మ‌రోవైపు పాల‌కులు మాత్రం ఇంకా నిషేధం అన్న ద‌గ్గ‌రే నిలిచిపోయారు. అయితే మాదక ద్ర‌వ్యాలపై ఎప్ప‌టి నుంచో నిషేధం ఉన్న‌ప్ప‌టికీ అవి యువ‌త‌కు ఎలా అందుబాటులోకి వ‌స్తున్నాయి? అస‌లు అన్నింటికంటే ముఖ్యంగా కేవ‌లం మాద‌క ద్ర‌వ్యాల‌ను నిషేధిస్తే ఈ పెను స‌మ‌స్య ప‌రిష్కార‌మైపోతుందా? అన్న ప్ర‌శ్న‌లు అతిపెద్ద చ‌ర్చ‌నీయాంశాలు. ఈ నేపథ్యంలో మాద‌క ద్ర‌వ్యాలు, యువ శ‌క్తిపై “కెరీర్ టైమ్స్” ప్ర‌త్యేక విశ్లేష‌ణ‌.

 

 

నిషేధం అన్న ప‌ద‌మే అతిపెద్ద మాద‌క‌ద్ర‌వ్యం!!

 

మ‌నిషి ఆలోచ‌నా విధానం, మాన‌సిక ప‌రిప‌క్వ‌త‌, వికాసం అన్న‌వి అత్యంత సంక్లిష్ఠ‌మైన విష‌యాలు. మానసిక శాస్త్ర‌వేత్త‌ల అధ్య‌య‌నాల ప్ర‌కారం ఫలానా ప‌నిచేయొద్దు..ఫ‌లానా వ‌స్తువును తినొద్దు…ఫ‌లానాది తాకొద్దు, చూడొద్దు..అంటూ నియంత్ర‌ణ‌లు విధిస్తే ఎట్టి ప‌రిస్థితుల్లోనైనా ఆ ప‌ని చేయాల‌ని..వ‌ద్దు అన్న‌దాన్నే తినాల‌ని..తాకొద్దు అన్నదాన్నే తాకాల‌ని..చూడొద్దు అన్న దాన్నే చూడాల‌ని మ‌నిషి మ‌న‌స్సు ఉబ‌లాట‌ప‌డుతుంది. ముఖ్యంగా నియంత్ర‌ణ విధించిన ఆ ప‌నులపై అర‌కొర స‌మాచారం, త‌ప్పుడు స‌మాచారం వాటిపై మ‌రింత ఆక‌ర్ష‌ణ పెరిగేలా చేస్తుంది. దీంతో వాటిని ఎలాగైనా తినాల‌ని, వాటిని సాధించి అందులోని మ‌జాను ఆస్వాదించాల‌ని మ‌న‌స్సు ఉవ్విళ్లూరుతుంది. మాద‌క ద్ర‌వ్యాల విష‌యంలో ఇప్పుడు స‌రిగ్గా ఇలానే జ‌రుగుతోంది. వాటికి నిషేధం అన్న ముసుగు వేయడంతో ఆ ముసుగు వెన‌కాల అద్బుత‌మైన ఆనందం దాగి ఉంద‌ని యువ‌త‌ను పెడ‌దారి ప‌ట్టించే అరాచ‌క శ‌క్తులు ఎక్కువైపోయాయి. దీంతో యువ‌త డ్ర‌గ్స్ ఏదో అద్భుతం దాగి ఉంద‌న్న ఆక‌ర్ష‌ణ‌తో జీవితాల‌ను స‌ర్వ నాశ‌నం చేసుకుంటున్నారు.

 

 

మ‌న రోజువారీ జీవితంలోనూ మాద‌క ద్ర‌వ్యాలు ఉన్నాయి!

 

మ‌న రోజూవారీ జీవితంలో మాద‌క ద్ర‌వ్యాలు ఉండ‌ట‌మేంటి అని ఆశ్చ‌ర్య‌పోతున్నారా? అవును మీరు చ‌దివింది నిజ‌మే. అస‌లు మాద‌క ద్ర‌వ్యం అంటే ఏమిటి? ఒక ప్ర‌త్యేక‌మైన రసాయ‌నాన్ని శ‌రీరంలోకి ఎక్కించుకుని అది అందించే మ‌త్తులోకి జారిపోవ‌డ‌మే క‌దా? మాద‌క ద్రవ్యాలు అంటే కొకైన్, హెరాయిన్, గంజాయి వంటివే కాదు ఆరోగ్య సంర‌క్ష‌ణ‌లో వాడే కొన్ని ర‌కాల మందులు కూడా మాద‌క ద్ర‌వ్యాలు కింద‌కే వ‌స్తాయి. ఉదాహ‌ర‌ణ‌కు షుగ‌ర్ పెషెంట్ల‌కు వాడే కొన్ని ర‌కాల ముందులను డ్ర‌గ్స్ గానే ప‌రిగ‌ణించాలి. అంటే ఆరోగ్యానికి చేటు చేస్తాయ‌ని కాదు. మ‌నిషి ఆ ముందులు వేసుకోవ‌డానికి అల‌వాటు ప‌డి స‌హ‌జ సిద్ధంగా శారీర‌క వ్యాయామం చేసి మంచి స‌మ‌తుల ఆహారం తీసుకుని జీవ‌నశైలిని మార్చుకుని షుగ‌ర్ ను అదుపులోకి తెచ్చుకుందాం అన్న ఆలోచ‌న మ‌ర్చిపోతున్నాడు. కేవ‌లం ఆ డ్ర‌గ్స్ ను శ‌రీరంలో వేసుకుని వాటికి అల‌వాటు ప‌డి అందులోనే జోగుతున్నాడు. అలాగే ప్ర‌స్తుతం మ‌నిషి జీవితాల‌ను తీవ్రంగా ప్ర‌భావితం చేస్తున్న స్మార్ట్ ఫోన్, సోష‌ల్ మీడియా వంటి వాటిని కూడా మాద‌క ద్ర‌వ్యాలు గానే ప‌రిగ‌ణించాలి. అవి లేకుంటే ఒక్క‌క్ష‌ణం కూడా మ‌నుగ‌డ సాగించలేని మ‌న బ‌ల‌హీత‌నను డ్ర‌గ్స్ సేవ‌నంతో స‌మాన‌మైన వ్య‌స‌నంగానే చూడాల్సి ఉంటుంది.

 

 

నిషేధంతో మాద‌క ద్ర‌వ్యాల క‌ట్ట‌డి సాధ్యం కాదు!

 

నిషేధం విధిస్తేనో లేక నియంత్రిస్తేనో మాదక ద్ర‌వ్యాల స‌మ‌స్య అంతం కాదు. ఎందుకంటే వాటిని దొంగ దారిలో యువ‌త‌కు చేర‌వేసే ఆరాచ‌క శ‌క్తులు లెక్క‌కు మించి ఉన్నాయి. నిషేధం అనేది ఎప్ప‌టికీ స‌త్ఫ‌లితాల‌ను ఇవ్వ‌దు. ఇప్పుడు ప్ర‌భుత్వాలు చేయవ‌ల‌సిన ప‌ని నిషేధంతో పాటు స‌మ‌స్య మూలాల్లోకి వెళ్లి దాన్ని తొలిగించే ప్ర‌య‌త్నం చేయ‌డం. పాఠ‌శాల స్థాయి నుంచే పిల్ల‌ల‌కు ధ్యానం, యోగా, కుటుంబ విలువ‌లు, శారీర‌క, మానసిక ఆరోగ్యాల ప్రాధాన్య‌త‌ను వివ‌రిస్తే అద్భుత‌మైన ఫ‌లితాలు వ‌స్తాయి. ధ్యానం చేయడం ద్వారా ల‌భించే అలౌలిక ఆనందం ముందు డ్ర‌గ్స్ అందించే మ‌త్తు బ‌లాదూర్. దీంతో క్ర‌మ‌శిక్ష‌ణ‌, స్వీయ నియంత్ర‌ణ వంటి విష‌యాల్లో పిల్ల‌ల‌ను సుక్షితులుగా త‌యారు చేయాలి. ఇటు త‌ల్లిదండ్రులు కూడా డ‌బ్బు సంపాద‌నే ల‌క్ష్యంగా కాకుండా త‌మ పిల్ల‌ల‌కు త‌గిన స‌మ‌యం కేటాయించి వారి పెంప‌కంలో త‌గు జాగ్ర‌త్త‌లు తీసుకోవాలి. వారి అల‌వాట్లు, ప్ర‌వ‌ర్త‌న పై త‌గు నిఘా ఉంచి అదే స‌మ‌యంలో వారికి ధ్యానం, మ‌న‌స్సుని నియంత్రించే విష‌యాల‌ను ఎప్ప‌టిక‌ప్పుడు చెపుతూ ఉండాలి. తాత్కాలిక ఆనందాలు, సుఖాలు త‌ర్వాత జీవితాన్ని ఎంత‌గా ప్ర‌భావితం చేస్తాయో, ఎటువంటి ప‌త‌నావ‌స్థ‌కి చేరుస్తాయో వారికి స‌రైన ప‌ద్ధ‌తిలో వివ‌రించాలి. ముఖ్యంగా విలువ‌ల‌తో కూడిన పెంప‌కాన్ని అందించాలి.

 

 

న‌మ్మ‌కంలోని మజాతో జీవితానికి కొత్త చిగురులు!

 

ఒక రోగి తీవ్ర‌మైన శారీర‌క రుగ్మ‌త‌తో డాక్ట‌ర్ ద‌గ్గ‌ర‌కు వెళ్లాడు. అత‌న్ని క్షుణ్ణంగా ప‌రీక్షించిన డాక్ట‌ర్ ఇంకో మూడు నెల‌లు మించి మీరు బ‌త‌కడం సాధ్యం కాద‌ని రోగికి స్ప‌ష్టం చేసారు. దీంతో ఆ రోగి మాన‌సికంగా మ‌రింత‌గా దిగ‌జారిపోయాడు. అత‌ను ఎంత‌గా దిగ‌జారిపోయాడంటే క‌నీసం డాక్ట‌ర్ చెప్పిన మూడు నెల‌లైనా బ‌తుకుతాడా? అన్న సందేహం అంద‌రికీ క‌లిగింది. ఇటువంటి ప‌రిస్థితుల్లో ఆ రోగిని ప‌రామ‌ర్శించేందుకు అత‌ని స్నేహితుడు హాస్పిట‌ల్ కు వెళ్లాడు. వృత్తిరీత్యా సైకాల‌జిస్ట్ అయిన రోగి స్నేహితుడు అత‌ని ప‌రిస్థితిని గ‌మ‌నించాడు. అత‌నికి శారీర‌క స‌మ‌స్య కంటే మానసిక స‌మ‌స్య అధికంగా ఉన్న‌ట్టు గుర్తించాడు. త‌న స్నేహితుడ్ని హాస్ప‌ట‌ల్ నుంచి ప్ర‌కృతికి ప్ర‌శాంత‌త‌కు ద‌గ్గ‌ర‌గా ఉండే ఒక ఇంట్లోకి మార్పించాడు. అత‌ని మంచం ప‌క్క‌నే కిటికీ ఉండేట‌ట్టు చూసి అక్క‌డ ఒక మొక్క‌ను నాటాడు. అప్పుడు ఆ రోగితో ఇలా చెప్పాడు. “ఇప్పుడు ఇక్క‌డ ఒక మొక్క‌ను నాటాను. ఈ మొక్క ఆరోగ్యంగా ఎదిగితే నువ్వు కూడా నీ జ‌బ్బు నుంచి బ‌య‌ట‌ప‌డ్డ‌ట్టే. ఒకవేళ మొక్క చ‌నిపోతే నువ్వు కూడా తొంద‌ర‌గా చ‌నిపోతావ్” అని చెప్పాడు. ఆ రోగి ప్ర‌తిరోజూ ఉద‌యం లేవ‌గానే ఆ మొక్క వంక ఆశ‌గా చూసేవాడు. ఆ మొక్క మెల్ల‌గా ఆకులు, పూలు కాస్తూ ఏపుగా పెరుగుతోంది. రోగిలో ఆనందం పెరిగింది. త‌న మొక్క ఎంత బాగా పెరుగుతుంది అన్న ఆనందంలో అత‌ను త‌న జ‌బ్బు సంగ‌తే మ‌ర్చిపోయాడు. ఆరోగ్యంగా పెరిగిన ఆ మొక్క‌లానే అత‌ను కూడా ఆరోగ్యంగా త‌యార‌య్యాడు. వాస్త‌వానికి మొద‌ట నాటిన మొక్క తొలిరోజే చ‌చ్చిపోయింది. కానీ రోగికి తెలియ‌కుండా అతని ఒక కొత్త మొక్క‌ను నాటి దానికి త‌గిన నీరు, ఎరువులు వేసి అది బాగా ఎదిగేలా చూసుకున్నాడు. మొక్క బాగా పెరుగుతుంద‌న్న సంతోషంలో రోగి కూడా ఆరోగ్యంగా త‌యార‌య్యాడు. ఈ క‌థ‌లో నీతి ఏంటి మ‌నలోని న‌మ్మ‌కం, ఆనంద‌మే మ‌న స్థితిని నిర్ణ‌యిస్తాయి. అయితే ఆ ఆనందాన్నిఏ విధంగా సంపాదించుకుంటామ‌న్న‌దే ముఖ్యం. మాద‌క ద్ర‌వ్యాలు తీసుకుని, తాత్కాలిక ఆనందాల కోసం వెంప‌ర్లాడితే ఆనందం, ఆరోగ్యం రెండూ దూర‌మ‌వుతాయి.

 

 

మాద‌క ద్ర‌వ్యాల కంటే కిక్ నిచ్చే సాధ‌నాలున్నాయి!!

 

మాద‌క ద్ర‌వ్యాలు, మ‌ద్య‌పానం కిక్ నిస్తున్నాయి కాబ‌ట్టి వాటిని సేవిస్తున్నారు. ఆ కిక్ కోస‌మే ఆరోగ్యం పాడుచేసుకునేందుకు కూడా రెడీ అవుతున్నారు. కొంద‌రు వాదిస్తారు. కానీ వాస్త‌వానికి వాటి కంటే కిక్ నిచ్చే విష‌యాలు ఎన్నో ఉన్నాయి. ఒక గంట‌సేపు క‌ద‌ల‌కుండా ఒకచోట కూర్చుని , ఒక విష‌యంపై శ్ర‌ద్ధ పెట్టి త‌దేకంగా ధ్యానం చేస్తే వ‌చ్చే కిక్ ఎన్ని మాద‌క ద్ర‌వ్యాలు తీసుకున్నా రాదు. అలాగే ఒక మంచి ప‌ని చేసిన‌ప్పుడు, సాటి మ‌నిషికి ఉపకారం చేసిన‌ప్పుడు, ఆక‌లితో అల‌మ‌టిస్తున్న పేద‌వాళ్ల‌కు క‌డుపునిండా అన్నం పెట్టిన‌ప్పుడు వ‌చ్చే కిక్ ఎంతో బాగుంటుంది. ఇటువంటి విష‌యాల‌ను ప్ర‌తీ విద్యార్ధికి అటు త‌ల్లిదండ్రులు ఇటు ఉపాధ్యాయులు చిన్న‌త‌నం నుంచి చెప్ప‌గ‌ల‌గాలి. ఇక ప్ర‌భుత్వాలు కూడా మాద‌క ద్ర‌వ్యాల వంటి పెను స‌మ‌స్య‌ల‌కు నిషేధం అన్న ప‌రిష్కారం మార్గం ద‌గ్గ‌ర ద‌గ్గ‌రే ఆగిపోకుండా స‌మ‌స్య మూలాల‌ను అర్ధం చేసుకుని , విలువలు, క్ర‌మ‌శిక్ష‌ణ‌, స్వీయ‌నియంత్ర‌ణ వంటి విష‌యాల్లో విద్యార్ధులకు మ‌రింత శిక్ష‌ణ ఇచ్చేందుకు విద్యా విధానంలో త‌గిన మార్పులు చేయాలి. అప్పుడు డ్ర‌గ్స్ మ‌హ‌మ్మారి ఎటువంటి నిషేధం అవ‌స‌రం లేకుండానే మ‌న దేశాన్ని వీడిపోతుంది.

 

(ఈ ఆర్టికల్ ను మీకు స్పాన్సర్ చేసినవారు)