Tag: Parenting

Slider Top News నైపుణ్యాలు 

ప్ర‌ముఖుల ప్ర‌శంస‌లందుకుంటున్న‌ ‘పిల్ల‌ల పెంప‌కంలో 21 అద్భుత సూత్రాలు’

career times 0

 

ప్రముఖ విద్యావేత్త‌, ట్యూట‌ర్స్ ప్రైడ్ అధినేత‌ డా. ఆర్.బి. అంకం గారు రాసిన ‘పిల్లల పెంప‌కంలో 21 అద్భుత సూత్రాలు’ పుస్త‌కం ఇప్పుడు మార్కెట్లో సంచ‌ల‌నం రేపుతోంది. ఈ ఆధునిక యుగంలో అతిపెద్ద స‌వాలుగా మారిన పిల్ల‌ల పెంప‌కంపై డా. అంకం గారు చెప్పిన ప‌రిశోధ‌నాత్మ‌క అంశాలు, వెలిబుచ్చిన అభిప్రాయాలు, ముక్కుసూటిగా చెప్పిన విష‌యాలు ప్రతీ త‌ల్లిదండ్రుల గుండెను తాకుతున్నాయి. సాంకేతిక విప్ల‌వం తెచ్చిన అభివృద్ధి మాన‌వాళి జీవితాల‌ను ఎంత‌గా స‌ర‌ళ‌త‌రం చేసిందో తెలీదు కానీ పిల్ల‌ల పెంప‌కాన్ని మాత్రం అతిపెద్ద స‌వాలుగా మార్చింది. ఇంట‌ర్నెట్ లో పిల్ల‌లు ఏం చూస్తున్నారో, సోష‌ల్ మీడియా ద్వారా ఏం నేర్చుకుంటున్నారో తెలియ‌క తల్లిదండ్రులు త‌ల్ల‌డిల్లుతున్నారు. మ‌రోవైపు ఉమ్మడి కుటుంబాలు క‌నుమ‌రుగైన దుర‌దృష్ట‌క‌ర ప‌రిస్థితుల్లో పిల్ల‌ల‌కు మ‌న సంస్కృతీ, సాంప్ర‌దాయాలు, విలువ‌లు నేర్పించే పెద్ద‌లు క‌రువైపోయారు. దీంతో ప‌ర్య‌వేక్ష‌ణ లేక‌ గౌర‌వ మ‌ర్యాద‌లు తెలీక ప్ర‌తీ చిన్న విష‌యానికీ టెక్నాల‌జీపై ఆధార‌ప‌డుతున్న నేటి త‌రాన్ని ఎలా కాపాడుకోవాలో ఈ పుస్త‌కంలో డా.ఆర్.బి. అంకం గారు స‌వివ‌రంగా పొందుప‌ర్చారు.

 

పుస్త‌కంలోని ప్ర‌తీ అక్ష‌రం త‌ల్లిదండ్రుల‌కు, పిల్ల‌ల‌కు ఉప‌యోగ‌ప‌డే అద్భుత‌మైన విష‌యం కావ‌డంతో విడుద‌లైన త‌క్కువ స‌మ‌యంలోనే అశేష పాఠ‌కాద‌ర‌ణ పొందింది. ఈ పుస్త‌కంలో శాస్త్రీయంగా, విపులంగా చ‌ర్చించిన విష‌యాలు న‌చ్చి మాజీ ఐపీఎస్ అధికారి జే.డీ. ల‌క్ష్మీనారాయ‌ణ గారు అలాగే భార‌తీయ సంస్కృతి ప‌రిర‌క్ష‌ణ కోసం కృషి చేస్తున్న భార‌తీయం స‌త్య‌వాణి గారు ముందుమాట‌ను రాసారు. పుస్త‌కంలోని అద్భుత విష‌యం పాఠ‌కులంద‌రికీ చేరాల‌న్న ఉద్దేశంలో ప్ర‌ముఖ ప‌బ్లిషింగ్ సంస్థ ఎమెస్కో ఈ పుస్త‌కాన్ని ప్ర‌చురించింది. అలాగే తాజాగా హైద‌రాబాద్ లో జ‌రిగిన జాతీయ పుస్త‌క ప్ర‌ద‌ర్శ‌న‌లో ‘పిల్ల‌ల పెంప‌కంలో 21 అద్భుత సూత్రాలు’ పుస్త‌కాన్ని ఆవిష్క‌రించ‌డం జ‌రిగింది.

 

 

జాతీయ పుస్త‌క ప్ర‌ద‌ర్శ‌న‌లో పాల్గొన్న ప్ర‌ముఖ ర‌చయిత‌లు, సాహితీవేత్త‌లు, సాహిత్యాభిమానులు ‘పిల్ల‌ల పెంప‌కంలో 21 అద్భుత సూత్రాలు’ పుస్త‌కాన్ని ప్ర‌ముఖంగా ప్ర‌శంసించారు. ముఖ్యంగా తెలంగాణా రాష్ట్ర స‌మితి వ‌ర్కింగ్ ప్రెసిడెంట్ శ్రీ కేటీఆర్ గారు కూడా ఈ పుస్త‌కాన్ని , ర‌చ‌యిత డా. ఆర్.బి.అంకం గారిని ప్ర‌త్యేకంగా అభినందించారు.

 

Slider Top News నైపుణ్యాలు వీడియోలు 

‘పిల్ల‌ల పెంప‌కంలో 21 అద్భుత సూత్రాలు’ పుస్త‌కాన్ని ప్ర‌తీ పేరెంట్ చ‌ద‌వాలి – భార‌తీయం స‌త్య‌వాణి

career times 0

 

 

ఈ టెక్నాల‌జీ యుగంలో అతి క‌ష్ట‌మైన ప‌నుల్లో ఒక‌టి పేరెంటింగ్. పిల్ల‌ల‌ను బాగా పెంచి , మంచి పౌరులుగా, బాధ్య‌త క‌లిగిన వ్య‌క్తులుగా తీర్చిదిద్ద‌డం సవాలుతో కూడుకున్న ప‌ని. త‌ల్లిదండ్రులు ఇద్ద‌రూ ఉద్యోగాలు చేయ‌డం, సాంకేతికత విస్తృతంగా పెరిగిపోవ‌డంతో పిల్లల‌ను అదుపులో పెట్ట‌డం అనేది క‌ష్ట‌సాధ్యంగా మారుతోంది. ఒకవేళ ఆంక్ష‌లు విధించినా, నిఘా పెట్టినా టీనేజీ పిల్ల‌లు మాన‌సిక అప‌రిప‌క్వ‌త‌తో దారుణ నిర్ణ‌యాలు తీసుకుంటున్నారు. చిన్న త‌నం నుంచి విలువ‌ల‌తో కూడిన పెంప‌కం లేక‌పోవ‌డం వ‌ల‌న ఇన్ని స‌మ‌స్య‌లు చెల‌రేగుతున్నాయి. పిల్ల‌వాడు పుట్టిన ద‌గ్గ‌ర్నుంచి అత‌నికి ఎటువంటి విష‌యాలు నేర్పించాలి? పెంప‌కంలో సంస్కృతీ, సంప్ర‌దాయాల ప్రాముఖ్య‌త ఏమిటి? త‌ల్లిదండ్రులు చేస్తున్న పొర‌పాట్లపై ప్ర‌ముఖ విద్యావేత్త డాక్ట‌ర్ ఆర్.బీ. అంకం గారు రాసిన ‘పిల్ల‌ల పెంప‌కంలో 21 అద్భుత సూత్రాలు’ పుస్త‌కం ఇప్పుడు పేరేంటింగ్ కు దిక్సూచిగా మారింది. ఈ పుస్త‌కంలో ఉన్న మంచి విషయాల‌పై ప్ర‌ముఖ సంఘ సేవ‌కురాలు శ్రీమ‌తి స‌త్య‌వాణి గారు వెల్ల‌డించిన అభిప్రాయాల‌ను ఈ వీడియోలో మీరు చూడండి.

 

Slider నైపుణ్యాలు 

మీ పిల్ల‌లు మీకు శ‌త్రువులా??

career times 0

 

నా విద్యార్ధి నేను చెప్పిన మాట జ‌వ‌దాటడు (ఒక టీచ‌ర్ ఆనందం)..మా పిల్ల‌వాడు మేం ఏం ప‌ని చెయ్య‌మంటే ఆ ప‌ని చేస్తాడు ( త‌ల్లిదండ్రుల ఆనంద త‌న్మ‌య‌త్వం).. ఇలా టీచ‌ర్, త‌ల్లిదండ్రుల మాట‌ల‌ను, ఆదేశాల‌ను తూచా త‌ప్ప‌కుండా పాటిస్తూ వాళ్ల‌కు ఆనందాన్ని క‌లిగించే పిల్ల‌లే ఉత్త‌మమైన విద్యార్ధులా? ఇటువంటి వారే రేప్పొద్దున దేశాన్ని ఉద్ధ‌రించే మంచి పౌరులుగా త‌యార‌వుతారా? ఇలా అడిగితే క‌చ్చితంగా కాదు అని స‌మాధానం చెప్పాల్సి వస్తుంది. ఎందుకంటే ప్ర‌తీ పిల్ల‌వాడు ఒక ప్ర‌త్యేకం. వాడికంటూ ఒక ప్ర‌త్యేక‌మైన ఆలోచ‌న‌లు, అభిప్రాయాలు, అభిరుచులు ఉంటాయి. వాటిని గుర్తించకుండా కేవ‌లం త‌మ అభిప్రాయాల‌ను, త‌మ క‌ల‌ల‌ను, త‌మ అభిరుచుల‌ను పిల్ల‌ల‌పై రుద్దుతున్నారు ఈ త‌రం త‌ల్లిదండ్రులు. ఇటువంటి ఆలోచ‌నా విధానం పిల్ల‌ల్లోని సృజ‌నాత్మ‌క‌త‌ను, ప్ర‌తిభ‌ను, వారిలోని స్వ‌తంత్ర వ్య‌క్తిత్వాన్ని నీరుగారుస్తోంది. దీంతో త‌మ‌కు న‌చ్చిన ప‌ని చేయలేక, త‌న‌కు న‌చ్చ‌ని ప‌నిని చేస్తూ త‌ల్లిదండ్రుల‌ను ఆనంద‌ప‌ర్చాల‌నే ఒత్తిడితో చాలా మంది యువ‌కులు, విద్యార్ధులు త‌మ జీవితాల్లో ఆనందాన్ని కోల్పోతున్నారు. చివ‌రికి కేవ‌లం త‌ల్లిదండ్రుల‌ను ఆనంద‌ప‌రిచే మ‌ర‌బొమ్మ‌లుగా మిగిలిపోతున్నారు.

 

 

త‌రాల్లో అంత‌రాన్ని గుర్తించండి!

 

ఎప్పుడూ మీ మాట వింటేనే ఉత్త‌మ‌మైన విద్యార్ధి..బాగా మార్కులు తెచ్చుకుంటేనే మంచి విద్యార్ధి అన్నఆలోచ‌నా విధానాన్ని విడ‌నాడి విసృత ప‌రిధిలో ఆలోచించండి. మీరు కూర్చొమంటే కూర్చుని మీరు చెయ్య‌మ‌న్న ప‌ని చేసిన‌ప్పుడు అత‌ను మీ ఆలోచ‌న‌ల‌కు ప్ర‌తిరూపం అవుతాడు కానీ స్వ‌తంత్రంగా త‌న‌ను తాను తీర్చిదిద్దుకునే వ్య‌క్తిగా ఎన్న‌డూ ఎద‌గ‌లేడు. ప్ర‌తీ త‌ల్లీ తండ్రీ , ప్ర‌తీ ఉపాధ్యాయుడు తాను ఎప్పుడో 20 , 30 ఏళ్ల క్రితం నేర్చుకున్న విష‌యాల‌ను త‌మ పిల్ల‌ల‌కు, త‌మ విద్యార్ధుల‌కు చెప్పేందుకు ప్ర‌య‌త్నిస్తూ ఉంటారు. అయితే త‌రం మారింది.. సాంకేతిక‌త మారింది..సామాజిక ప‌రిస్థితులు మారాయి…ఇన్ని విష‌యాలు మారిపోయిన‌ప్పుడు ఎప్పుడో మీరు నేర్చుకున్న , మంచివి అనుకుంటున్న విష‌యాలు ప్ర‌స్తుత త‌రానికి అంత‌గా ఉప‌యోగ‌ప‌డ‌ని విష‌యాలు అయి ఉండొచ్చు. ఈ కోణంలో ఏ త‌ల్లిదండ్రులైనా ఆలోచ‌న చేసారా? ప‌్ర‌తీ విద్యార్ధికి త‌న‌దైన ఒక ప్ర‌త్యేక‌త ఉంటుంది. పెరుగుతున్న కొద్దీ త‌న‌లోని ఆ ప్ర‌త్యేక‌త‌ను ఆ విద్యార్ధి గుర్తిస్తాడు. త‌న సృజ‌న‌కు ఆ ప్ర‌త్యేక‌త‌ను జోడించి ప‌నిచేస్తేనే అత‌ను ప‌నిలో ఆనందాన్ని పొంద‌గ‌లుగుతాడు. అయితే స‌రిగ్గా ఇక్క‌డే చాలా మంది త‌ల్లిదండ్రులు త‌మ పిల్ల‌ల అభిరుచుల‌ను నిర్దాక్షిణ్యంగా తొక్కిపెడుతున్నారు. విద్యార్ధికి జ‌న్మ‌తః వ‌చ్చిన ఒక ముద్ర‌ను చెరిపేయ‌డానికి, అత‌ని మార్గం మళ్లించ‌డానికి అటు త‌ల్లిదండ్రులు, ఇటు ఉపాధ్యాయులు శ‌త‌విధాలా ప్ర‌య‌త్నం చేస్తున్నారు.

 

 

పాఠాలు చెప్ప‌డం మానండి..ముందు నేర్చుకోండి!

 

మీ పిల్ల‌ల ఇష్టాల‌కు వాళ్ల అభిరుచుల‌కు ప్రాధాన్య‌త‌నిస్తూ వాళ్లు త‌మ‌దైన సొంత వ్య‌క్తిత్వంలో ఎదిగేందుకు మీరు స‌హాయం చేయాల‌నుకుంటే ముందుగా ఒక ప‌నిచేయండి. స్టాప్ టీచింగ్ ఆర్ స్టార్ట్ రీడింగ్..అంటే మీరు పాఠాలు చెప్ప‌డం అయినా మానేయండి లేదంటే మీరు నేర్చుకోవడ‌మైనా చేయండి. కొత్త విష‌యాలు నేర్చుకోలేనంత కాలం మీరు మీ పిల్ల‌ల‌కు పాఠాలు చెప్పే అర్హ‌త‌ను మీరు ఎన్న‌టికీ సాధించుకోలేరు. ఉపాధ్యాయులుగా కానీ త‌ల్లిదండ్రులుగా కానీ మీరు చేయాల్సిన ప‌ని ఏంటంటే వాళ్ల‌ని వాళ్లుగా గుర్తించి వాళ్ల దృక్కోణం నుంచి వాళ్ల అంత‌రంగాన్నిచ‌దివేందుకు ప్ర‌య‌త్నించ‌డం. కానీ ఈ ప‌నిని ఈత‌రం త‌ల్లిదండ్రులు ఎవ‌రూ చేయ‌డం లేదు. పిల్ల‌ల‌కు ఒక ప్ర‌త్యేక‌మైన వ్యక్తిత్వం ఉంద‌ని, కొన్ని విష‌యాల్లో వాళ్లు త‌మ‌కంటే ఉన్న‌తంగా ఆలోచించ‌గ‌ల‌ర‌ని ఒప్పుకోవ‌డానికి త‌ల్లిదండ్రుల‌కు అహం అడ్డొస్తుంది. నాకు ఇర‌వై, ముప్ఫై ఏళ్ల అనుభ‌వం ఉంది. నాకున్న‌ అనుభ‌వంతో పోల్చుకుంటే పిల్ల‌ల‌కు తెలిసింది ఏపాటిది అన్న అహంకారంతో చాలా మంది త‌ల్లిదండ్రులు పిల్ల‌ల సొంత శైలిని, వాళ్ల ప్ర‌తిభ‌ను తుంగ‌లో తొక్కుతున్నారు.

 

 

త‌ల్లిదండ్రులకు అభ‌ద్ర‌తాభావం త‌గ‌దు!

 

ఈత‌రం త‌ల్లిదండ్రుల్లో చాలా మంది అభ‌ద్ర‌తాభావంతో కొట్టుమిట్టాడుతున్నారు. పిల్ల‌ల‌పై ఎంత ప్రేమ ఉన్నప్ప‌టికీ వాళ్లు తిరిగి త‌మ‌ను ప్ర‌శ్నించ‌డాన్ని తల్లిదండ్రులు జీర్ణించుకోలేక‌పోతున్నారు. పిల్ల‌లు బ‌ల‌వంతులుగా, తెలివైన వారిగి మార‌డం అన్న ఒక స‌హ‌జ మార్పును అంగీక‌రించేటంత మాన‌సిక ప‌రిణితిని సంపాదించుకోలేక‌పోవ‌డ‌మే ప్ర‌ధాన స‌మ‌స్య‌గా మారుతోంది. పాశ్చాత్య దేశాల‌తో పోల్చుకుంటే ఈ విష‌యంలో మనం చాలా వెనుక‌బడి ఉన్నాం. ముఖ్యంగా ప్ర‌స్తుత సామాజిక ప‌రిస్థితులు, టెక్నాల‌జీ వంటి మార్పుల‌కు అనుగుణంగా పేరెంట్స్ త‌మ‌ను తాము మార్చుకోవాలి. అప్ డేట్ కావాలి. కానీ అది జ‌ర‌గ‌డం లేదు. దీని వ‌ల‌న పిల్ల‌ల‌కు, త‌ల్లిదండ్రుల‌కు ఒక అగాధం ఏర్ప‌డుతోంది. పిల్ల‌లు అడ్వాన్స్ డ్ గా దూసుకుపోయి త‌మ క‌ల‌ల‌ను, త‌మ భ‌విష్య‌త్ గ‌మ్యాన్ని నిర్దేశించుకుంటుంటే త‌ల్లిదండ్రులు మాత్రం పిల్ల‌లు త‌మ అభిరుచుల‌కు, క‌ల‌ల‌కు అనుగుణంగా ఉండాల‌ని భావిస్తున్నారు. స‌రిగ్గా ఇక్క‌డే ఒక సంఘ‌ర్ష‌ణ ఏర్ప‌డుతోంది. పేరెంట్స్ త‌మ ఆకాంక్ష‌ల‌ను, తాము సాధించలేని వాటిని పిల్ల‌ల‌పై బ‌ల‌వంతంగా రుద్ద‌డం అనేది అతిపెద్ద స‌మ‌స్య‌గా మారుతోంది.

 

 

మీరు సంతోషంగా ఉండాలా? మీ పిల్ల‌లు సంతోషంగా ఉండాలా?

 

బ‌ద్ధుడు, ఏసుక్రీస్తు, మ‌హాత్మాగాంధీ, పూలే వంటి గొప్ప వ్య‌క్తులు అంద‌రికీ ఇష్ట‌మైన వారు, ప్రియ‌మైన వారు క‌దా? వారు చేసిన భోధ‌న‌లు, చూపించిన మార్గం, సేవాదృక్ఫ‌ధం, త్యాగ‌నిర‌తి ఇవ‌న్నీ ఎల్ల‌వేళ‌లా అనుస‌ర‌ణీయం. వీరిలా మీ పిల్ల‌ల్ని అంద‌రికీ ఇష్ట‌మైన వారిగా త‌యారు చేయాల‌నుకుంటున్నారా? లేక మీకు మాత్ర‌మే ఇష్ట‌మైన వారిగా త‌యారు చేయాల‌నుకుంటున్నారా? ఈ ప్ర‌శ్న‌కు ప్ర‌తీ త‌ల్లిదండ్రుల ద‌గ్గ‌ర‌ క‌చ్చితంగా స‌మాధానం ఉండి తీరాల్సిందే. అలాగే మీరు సంతోషంగా ఉండాల‌నుకుంటున్నారా? లేక మీ పిల్ల‌లు సంతోషంగా ఉండాల‌నుకుంటున్నారా? మీరు మాత్ర‌మే సంతోషంగా ఉండాల‌నుకుంటే మీ పిల్ల‌ల అభిరుచుల‌ను, వాళ్ల వ్య‌క్తిత్వాన్ని, వారి క‌ల‌ల‌ను, వారి ప్ర‌శ్న‌ల‌ను అన్నింటినీ అణిచివేయండి. కానీ మీ పిల్ల‌వాడు త‌న జీవితంలో ఎప్పుడూ సంతోషంగా ఉండ‌డు. అలా కాకుండా మీ పిల్ల‌వాడు సంతోషంగా ఉండాలి…ప్ర‌పంచంతో కొనియాడ‌బ‌డాలి…అనుకుంటే వాడు అడిగే ప్ర‌శ్న‌ల‌కు స‌మాధానం చెప్పండి. మీ ద‌గ్గ‌ర స‌మాధానం లేక‌పోతే స‌మాధానం దొరికే చోటు చూపించండి. ఇక్క‌డ మీరో విష‌యం గ‌మ‌నించాలి. మ‌న ముందు చెప్పుకున్న బుద్ధుడు, ఏసుక్రీస్తు, మ‌హాత్మాగాంధీ, పూలే వంటి మ‌హా వ్య‌క్తుల త‌ల్లిదండ్రులు ఎప్పుడూ సంతోషంగా లేరు. వాళ్లు ఎంచుకున్న దారిలో వాళ్లు వెళ్లారు. ఈ ప్ర‌పంచాన్ని మార్చారు. ఈ ప్ర‌పంచంతో కీర్తించ‌బ‌డ్డారు. ఈ విష‌యాన్ని ప్ర‌తీ త‌ల్లిదండ్రులు గుర్తించాలి.

 

 

మ‌న అహాన్ని మ‌న‌లోనే దాచుకుందాం!

 

ఘ‌ర్ష‌ణ అనేది ఎప్పుడూ అవ‌స‌ర‌మైన చెడును చేస్తుంది. పిల్ల‌ల పెంప‌కంలో ఈ మాట అతికిన‌ట్టు స‌రిపోతుంది. పిల్ల‌ల తెలివితేట‌ల‌కు, వాళ్ల ప్ర‌శ్న‌ల‌కు హ‌ద్దులు గీయ‌కండి. కొన్ని విష‌యాల్లో వాళ్లు మీకంటే తెలివైన వాళ్లుగా ఆలోచిస్తుంటే వాళ్ల‌ను ప్రోత్సాహించాలి. మీ పిల్ల‌లు మీ కంటే బ‌ల‌వంతులుగా, తెలివైన వాళ్లుగా మారుతున్నారంటే మీరు భ‌య‌ప‌డాల్సిన ప‌నిలేదు. అభ‌ద్ర‌త‌భావంతో కొట్టుమిట్టాడాల్సిన అవ‌స‌రం లేదు. స‌మాజం మారుతోంది. టెక్నాల‌జీ మారుతోంది. మ‌నుష్య ప‌రిణామ క్ర‌మంలో మార్పులు వ‌స్తున్నాయి. వీట‌న్నింటిని అర్ధం చేసుకుని మీ కంటే బ‌ల‌వంతులను త‌యారు చేయండి. పిల్ల‌లు మీకంటే బ‌ల‌వంతులు, తెలివైన వారిగా మారితే మీ మాట విన‌రు అన్న అభ‌ద్ర‌త‌కు, అనుమానానికి తావే లేదు. ప్రేమ‌, స్వేచ్ఛ అనే రెండు క‌ళ్లేల‌తో వాళ్ల‌ను మీరు ఎప్పుడూ మీ ఆధీనంలోనే ఉంచుకుంటారు. మీరు సంతోషంగా లేకున్నా మీ పిల్ల‌ల సంతోషం కోసం వాళ్ల‌ ఆశ‌ల‌కు, ఆకాంక్ష‌ల‌కు ఇంధ‌నంగా మారండి. స‌రికొత్త స‌మాజం, స‌రికొత్త ఆవిష్క‌ర‌ణ‌కు దోహ‌దం చేస్తూ నేటిత‌రం మంచి త‌ల్లిదండ్రులుగా మిమ్మ‌ల్ని మీరు మ‌లుచుకోండి.

 

( ఈ ఆర్టిక‌ల్ ను మీకు స్పాన్స‌ర్ చేసిన‌వారు)

 

 

Slider నైపుణ్యాలు 

పిల్ల‌ల ‘హాస్ట‌ల్’ కు పెద్ద‌ల ‘ఓల్డేజ్ హోమ్’ కు ఉన్న సంబంధం తెలుసా?

career times 0

 

ఈ ఆధునిక యుగంలో పిల్ల‌ల పెంప‌కం అనేది అతిపెద్ద స‌వాలు. ఇది మ‌నం గ‌తంలో చెప్పుకున్న విష‌య‌మే అయినా ఇది అనుక్ష‌ణం గుర్తుపెట్టుకోవాల్సిన విష‌యం కాబ‌ట్టి మ‌రోసారి చెప్ప‌డం జ‌రిగింది. మీ పిల్ల‌ల‌ను మంచి పౌరులుగా తీర్చిదిద్దాల‌నుకుంటే ముందు మీరు మంచి పౌరులుగా త‌యారు కావాలి. ఎందుకంటే ఈ ప్ర‌పంచంలో పిల్ల‌ల‌కు త‌ల్లిదండ్రుల‌ను మించిన రోల్ మోడ‌ల్స్ ఎవ‌రూ ఉండ‌రు. చాలా మంది త‌ల్లిదండ్రులు తాము త‌మ పిల్ల‌ల‌కు మంచి పెంప‌కం అందిస్తున్నామ‌ని భ్ర‌మ‌ల్లో బ‌తుకుతూ పిల్ల‌ల జీవితాల‌తో పాటు త‌మ స్వంత జీవితాల‌ను కూడా ఇబ్బందుల్లో ప‌డేసుకుంటున్నారు. స‌రైన పెంప‌కం అందించ‌క‌పోతే పేరెంట్స్ జీవితాలు ఇబ్బందుల్లో ఎందుకు ప‌డ‌తాయి? అన్న సందేహం మీకు రావ‌చ్చు. తెలిసో తెలియ‌కో ఇప్పుడు మీరు మీ పిల్ల‌ల‌కు అంద‌కుండా చేస్తున్నవ‌న్నీ రేపు మీకు అంద‌కుండా పోతాయి. ఎందుకంటే వ‌ర్త‌మానంలో మ‌నం తీసుకున్న నిర్ణ‌యాలు, చేస్తున్న ప‌నులే మన భ‌విష్య‌త్ ను నిర్ణ‌యిస్తాయి. క్ర‌మ‌శిక్ష‌ణ పేరుతో పిల్ల‌ల్ని హాస్ట‌ల్ లో చేర్పిస్తున్న త‌ల్లిదండ్రులు త‌మ జీవిత చ‌ర‌మాంకంలో క‌చ్చితంగా వృద్ధాశ్ర‌మాల‌కు చేరుకోవాల్సి ఉంటుంద‌న్న క‌ఠిన స‌త్యాన్ని గుర్తించాలి.

 

 

భ‌విష్య‌త్ అంటే వ‌ర్త‌మాన‌మే!

 

తాజాగా ఒక ఉపాధ్యాయుడు పిల్ల‌ల పెంప‌కంపై ఒక అద్భుత‌మైన ప్ర‌సంగం ఇచ్చాడు. ప్ర‌స్తుత స‌మాజంలో జ‌రుగుతున్న విష‌యాలు, పిల్ల‌ల పెంప‌కంలో చోటుచేసుంటున్న మార్పులు, త‌ర్వాతి కాలంలో వీటి ప‌ర్య‌వ‌సానాలు ఇలా అత‌ను విభిన్న విష‌యాల‌ను ప్ర‌స్తావించాడు. ప్ర‌తీ విష‌యానికి పిల్ల‌ల‌ను ప్ర‌శ్నించ‌డం, లేదా వాళ్ల‌కు సూచ‌న‌లు చేయ‌డం..ప్ర‌తీ ఇంట్లోనూ ఇదే తంతు జ‌రుగుతుందని..కానీ పిల్ల‌ల‌తో కాస్త స‌మ‌యం మ‌న‌స్సు విప్పి మాట్లాడేందుకు ఏ తల్లిదండ్రులు సుముఖంగా లేర‌ని చెప్పాడు. ఈ రోజుల్లో చాలా మంది త‌ల్లిదండ్రులు ఎంత‌సేపు ఆదేశాలు జారీ చేస్తూ, ఆర్డ‌ర్లు వేస్తూ పిల్ల‌ల‌ను చేజేతులా దూరం చేసుకుంటున్నారు. ఎంతసేపు క్ర‌మ‌శిక్ష‌ణ‌, చ‌దువు, కెరీర్ అంటూ వాళ్ల‌ను ఒక బోనులో బందించేస్తున్నారు. చ‌దువు, కెరీర్ కావాల్సిందే కానీ దాన్ని చెప్పేందుకు పిల్ల‌ల ద‌గ్గ‌ర విల‌న్ లా మారిపోవాల్సిన అవ‌స‌రం లేదు. చిన్న‌త‌నం నుంచి హాస్ట‌ల్ లో పెరిగిన పిల్ల‌వాడికి అనుబంధాలు, ఆప్యాయ‌త‌లు ఏం తెలుస్తాయి? తాను పెద్ద‌య్యాక‌, త‌ల్లిదండ్రులు ముస‌లివాళ్లు అయ్యాక త‌న‌ను ఎలా అయితే హాస్టల్ లో ప‌డేసారో వాళ్ల‌ను కూడా అలాగే ఓల్డేజ్ హోమ్ లో ప‌డేస్తాడు. బాగా సెటిల్ అయి విదేశాల్లో ఉద్యోగం చేస్తున్న చాలా మంది ఇక్క‌డ త‌మ త‌ల్లిదండ్రుల‌ను వృద్ధాశ్ర‌మాల్లోనే జాయిన్ చేస్తున్నారు. ఎక్క‌డ త‌ప్పు జ‌రుగుతోంది? పిల్ల‌ల ఆలోచ‌నా విధానంలోనా? త‌ల్లిదండ్రుల పెంప‌కంలోనా? క‌చ్చితంగా త‌ల్లిదండ్రుల పెంప‌కంలోనే జ‌రుగుతోంది.

 

 

పిల్ల‌ల‌కు మ‌నం నిజ‌మైన విద్య‌నే నేర్పిస్తున్నామా?

 

సాధార‌ణంగా ప్ర‌తీ త‌ల్లిదండ్రులు త‌మ పిల్ల‌ల‌కు LSRW నేర్పిస్తారు. అంటే కేవ‌లం లెర్నింగ్, స్టడీ, రీడింగ్, రైటింగ్ మాత్రం చెపుతారు. ఇది పిల్ల‌ల మానసిక వికాసానికి అంత‌గా ఉప‌యోగ‌ప‌డ‌దు. మూస ప‌ద్ధ‌తిలో బ‌ల‌వంతంగా నేర్చుకునే విషయానికి ఎప్ప‌టికీ విలువ ఉండ‌దు. ప‌ల‌క‌పై అక్ష‌రాలు దిద్దుస్తున్నారు కానీ అస‌లు ప‌ల‌క అంటే ఏమిటో చెప్ప‌లేక‌పోతున్నారు. ప‌ల‌క‌ను ఇంగ్లీష్ లో స్లేట్ అంటారు అని తెలుసుక‌దా? అక్ష‌రాల‌ను నేర్చుకోవ‌డానికి పునాది వేసిన ప‌ల‌కలోని అస‌లైన వివ‌ర‌ణ‌ను తెలుసుకున్న‌ప్పుడు అస‌లైన విద్య‌ను నేర్చుకున్న‌ట్టు. SLATE అంటే సోష‌ల్, లీడ‌ర్ షిప్, అవేర్ నెస్, టెక్నిక‌ల్, ఎడ్యుకేష‌న్. స‌మాజం ప‌ట్ల అవ‌గాహ‌న‌తో ఒక విష‌యాన్ని సాంకేతిక దృక్కోణంతో చూసి నాయ‌కత్వంతో ముందుకు తీసుకెళ్లే విధంగా నేర్చుకునే చ‌దువు ఉండాలి. కానీ ఇప్పుడు ఆ విధంగా జ‌రుగుతుందా? చాలా మంది త‌ల్లిదండ్రులు త‌మ పిల్ల‌ల‌కు ఏది అవ‌స‌ర‌మో అది కాకుండా అన‌వ‌స‌ర‌మైన విష‌యాల‌ను ఇస్తున్నారు. దీని వ‌ల‌న ఇటు పిల్ల‌వాడి భ‌విష్య‌త్ తో పాటు త‌ల్లిదండ్రుల భ‌విష్య‌త్ కూడా ఇబ్బందులో ప‌డుతోంది.

 

 

ఈ త‌రం పిల్ల‌ల‌కు ప్ర‌కృతి అంటే తెలుసా?

 

ఎంత‌సేపూ చ‌దువుల ప‌రుగు పోటీల త‌మ పిల్ల‌ల‌ను ముందుంచాల‌నే ఆత్రం తప్పితే ఇప్ప‌టి త‌ల్లిదండ్రులు తాము ఎక్కడ పొర‌పాటు చేస్తున్నామో గుర్తించ‌లేక‌పోతున్నారు. పిల్ల‌ల ఎదుగుద‌ల ఎప్పుడూ ప్ర‌కృతితో మ‌మేకమై ఉండాలి. స‌హ‌జ సిద్ధంగా జ‌రిగే ప‌రిణామాలు, సాటి జీవులు, బ‌తుకు పోరాటం ఇవన్నీ పిల్ల‌లు చూసి, అనుభ‌వం చెంది మాత్ర‌మే నేర్చుకోగ‌లుగుతారు. పిల్ల‌ల‌కు అడ‌విని చూపించాల‌ని , అక్క‌డ కుద‌ర‌క‌పోయినా జూలో జంతువులను చూపించాల‌ని నిపుణులు చెపుతున్నారు. సాటి జీవుల ప‌ట్ల ప్రేమ, ఆహారాన్ని సంపాదించుకునేందుకు, గూడును ఏర్పాటు చేసుకునేందుకు అవి ప‌డే తప‌న అర్ధ‌మ‌వుతాయ‌ని అంటున్నారు. కానీ అలా ప్ర‌కృతిని చూసే అవ‌కాశం ఎంత మంది పిల్ల‌ల‌కు ఉంది. కాంక్రీట్ అర‌ణ్యాల్లో పెర‌గుతున్న వారి అర‌ణ్యాల గూర్చి ఏం తెలుస్తుంది. అడ‌వి, అక్క‌డ పచ్చ‌ద‌నం, జంతువులు ఇలా పిల్ల‌ల‌కు అన్ని విష‌యాల‌ను తెలియ‌జేయాల్సిన త‌ల్లిదండ్రులకు ఎంత సేపూ చ‌దువు చ‌దువు అంటూ పిల్ల‌ల‌ను రుద్ద‌డ‌మే స‌రిపోతోంది. ఇక పిల్ల‌వాడు ఎప్పుడు మానసికంగా ఎదుగుతాడు? ఎలాంటి ప‌రిణతి సాధిస్తాడు. క‌చ్చితంగా సాధించ‌లేడు. మెల్ల‌గా త‌న సున్నిత‌త్వాన్ని కోల్పోయి పెద్ద‌య్యాక త‌న త‌ల్లిదండ్రుల‌తో అలాగే ప్ర‌వ‌ర్తిస్తాడు. త‌మ‌ను త‌మ పిల్ల‌లు ఓల్డేజ్ హోమ్ ల‌లో ప‌డేస్తున్నార‌ని బాధ‌ప‌డే త‌ల్లిదండ్రులు త‌మ పెంప‌కంపై ఒక‌సారి స‌మీక్ష చేసుకోవాలి.

 

 

పిల్ల‌ల‌కు ఇవ్వాల్సింది బ్యాంక్ బ్యాలెన్స్ లు కాదు!

 

చాలా మంది త‌ల్లిదండ్రులు త‌మ పిల్ల‌ల కోసం రాత్రీ ప‌గ‌లు క‌ష్ట‌ప‌డి వారి కోసం బాగా డ‌బ్బు కూడ‌బెట్టాలి అనుకుంటారు. మీరు మీ పిల్ల‌ల‌తో మీరు నాణ్య‌మైన స‌మ‌యం గ‌డ‌ప‌లేన‌ప్పుడు మీరు వారి ఎంత డ‌బ్బు సంపాదించినా అది బూడిద‌లో పోసిన ప‌న్నీరే. పిల్ల‌లు త‌మ చిన్న‌త‌నంలో నాన్న త‌న‌తో గ‌డిపిన క్ష‌ణాల‌నే గుర్తుంచుకుంటారు కానీ మీరు సంపాదించిన డ‌బ్బులను కాదు. ఎందుకంటే క‌ష్ట‌ప‌డ‌కుండా వ‌చ్చిన డ‌బ్బుల‌ను చాలా మంది సరైన విధంగా ఉప‌యోగించుకోలేరు. ఏదైనా క‌ష్ట‌ప‌డి సంపాదించిన‌ప్పుడు దాని విలువ తెలుస్తుంది. ఒక ప్ర‌ముఖ యాడ్ లో ఇలా ఉంటుంది. మాట్లాడితే ప‌నులు జ‌రుగుతాయి. ఈ లైన్ పిల్ల‌ల పెంప‌కంలో క‌చ్చితంగా స‌రిపోతుంది. పిల్ల‌ల‌తో మ‌న‌స్సు విప్పి మాట్లాడండి. స్నేహితుల్లా ఉల్లాసంగా మాట్లాడండి. వారితో త‌గినంత స‌మ‌యం గ‌డ‌పండి. ఆ గ‌డిపిన క్ష‌ణాలు వారికి జీవితాంతం గుర్తుండిపోయేలా వ్య‌వ‌హ‌రించండి. మీ పిల్ల‌ల‌కు మీరిచ్చే అద్భుత‌మైన కానుక ఇదే. అలా కాకుండా వారిని ఆదేశిస్తూ, ఫ‌లానా ప‌ని చేయాల‌ని శాసిస్తూ ఉంటే చివ‌ర‌కు వృద్ధాప్యంలో మీకు కూడా అటువంటి ప‌రిస్థితే ఎదుర‌వుతుంది.

 

( ఈ ఆర్టిక‌ల్ ను మీకు స్పాన్స‌ర్ చేస్తున్నవారు)

 

 

Slider నైపుణ్యాలు 

పిల్ల‌ల పెంప‌కంలో ఆ ‘అతిపెద్ద’ అవ‌రోధాన్ని ఎలా దాటుతారు??

career times 0

 

మ‌నిషి భావోద్వేగాల‌కు బానిస‌. ఉద్వేగాల‌ను నియంత్రించుకోలేని వారు జీవితంలో ఎటువంటి అభివృద్ధిని సాధించ‌లేరు. అది వ్య‌క్తిగ‌త జీవితం జీవితం కావ‌చ్చు..వృత్తిగ‌త జీవితం కావొచ్చు. కోపాన్ని ఇత‌ర మానసిక వికారాల‌ను అదుపు చేసుకోలేని వారు మంచి వ్య‌క్తులుగా ఎప్ప‌టికీ మార‌లేరు. వ్య‌క్తిగ‌త ఎదుగుద‌ల విష‌యంలోనే కాదు పిల్ల‌ల పెంప‌కంలో కూడా ఉద్వేగాల అదుపు అన్న‌ది ప్ర‌ధాన పాత్ర పోషిస్తుంది.కోపాన్ని అదుపు చేసుకోలేని వారు త‌మ పిల్ల‌ల‌కు మంచి పెంప‌కాన్ని అలాగే మంచి భ‌విష్య‌త్ ను కూడా అందించ‌లేరు. మీ పిల్ల‌ల‌కు నాణ్య‌మైన పెంప‌కాన్ని అందించి వాళ్లకు అద్భుత‌మైన జీవితాన్ని కానుక‌గా ఇవ్వాలంటే ముందు మీరు భావోద్వేగాల‌ను అదుపు చేసుకోవ‌డం నేర్చుకోవాలి. కోపాన్ని అదుపు చేసుకోలేని కుటుంబాల్లో పెరిగిన పిల్ల‌లు పెద్ద‌య్యాక ఉద్వేగాల‌ను అదుపు చేసుకోలేని దుర్భ‌లురుగా త‌యారైన‌ట్టు నివేదిక‌లు చెపుతున్నాయి.

 

 

కోపం అనేది ఒక సాధార‌ణ ఉద్వేగం!

 

కోపం రావ‌డం అనేది ప్ర‌తీ మ‌నిషికి స‌ర్వ‌సాధార‌ణమైన విష‌యం. అయితే అది ప‌రిధులు దాటిన‌ప్పుడే స‌మ‌స్య మొద‌ల‌వుతుంది. కోపంలో ఏం మాట్లాడుతున్నామో, ఎలా మాట్లాడుతున్నామో, ఎటువంటి ప్ర‌వ‌ర్త‌న క‌న‌బ‌రుస్తున్నాం అన్న‌దాన్ని పూర్తిగా మర్చిపోతాం. ఇది తీవ్ర‌మైన ప‌రిణామాల‌కు దారితీస్తుంది. మ‌నిషి త‌న ప్ర‌వ‌ర్త‌న‌పై అద‌పు త‌ప్పిన‌ప్పుడు జ‌రిగే ప‌రిణామాలు ఆమోద‌యోగ్యం కానివిగా ఉంటాయి. కోపంతో త‌న‌ను తాను బాధ‌పెట్టుకోవ‌డ‌మే కాక ఎదుటి వ్య‌క్తుల‌ను కూడా మాన‌సికంగా తీవ్రంగా గాయ‌ప‌రుస్తున్నారు. ప‌రిణితి చెందిన వ్య‌క్తుల విష‌యంలోనే కోపం ప‌ర్యవ‌సానాలు ఇలా ఉంటే ఇక పిల్ల‌ల విష‌యంలో కోపం తాలూకూ ఫలితాలు మరింత దారుణంగా ఉంటాయి. కోపంతో పసిపిల్ల‌ల లేత మ‌న‌స్సులు గాయ‌ప‌డ‌ట‌మే కాదు, కోపంలో త‌ల్లిదండ్రులు చేసే శారీర‌క, మానసిక హింస వాళ్ల‌ను జీవితాంతం వెంటాడుతుంది. క్ష‌ణికావేశంతో పిల్ల‌ల విష‌యంలో చూపించే కోపం వాళ్ల భ‌విష్య‌త్ ను ప్ర‌భావితం చేస్తుంద‌న్న విష‌యాన్ని పేరెంట్స్ గుర్తించాలి.

 

 

నేర్చుకోవ‌డ‌మే కాదు నేర్పించాలి!

 

కోపాన్ని అదుపు చేసుకోవ‌డం ఎలాగో ముందు త‌ల్లిదండ్రులు నేర్చుకోవాలి. భావోద్వేగాల ప‌రంగా తీవ్ర‌మైన అల‌జ‌డి ఉన్న‌ప్పుడు అవ‌స‌ర‌మైతే మానసిక నిపుణుల స‌హాయం తీసుకోవ‌చ్చు. ప‌రిస్థితి అంత తీవ్రంగా లేన‌ట్టయితే చిన్న చిన్న జాగ్ర‌త్త‌లు తీసుకుని కోపాన్ని అదుపు చేసుకోవ‌చ్చు. కోపం తెప్పించే విష‌యాల‌కు దూరంగా ఉండ‌టం, ఒక వేళ కోపం వ‌స్తున్న‌ట్టు అనిపిస్తే ఆ ప్ర‌దేశం నుంచి వెళ్లిపోవ‌డ‌మో లేక నంబ‌ర్ కౌంటింగ్ టెక్నిక్ ను అప్ల‌య్ చేయ‌డ‌మో చేయాలి. అలాగే గ‌ట్టిగా ఊపిరి పీల్చి వ‌దిలినా మంచి ప్ర‌యోజ‌న‌మే ఉంటుంది. పిల్ల‌ల ద‌గ్గ‌ర కోపాన్ని ప్ర‌ద‌ర్శించ‌కూడ‌దు అనుకుంటే వాళ్ల‌కు మీరు కూల్ త‌ల్లిదండ్రులుగా ఉండాలంటే ఈ అన్ని ప‌నులు చేయాల్సిందే. అయితే చాలా సంద‌ర్భాల్లో పిల్ల‌లు కూడా కోపాన్ని ప్ర‌ద‌ర్శిస్తూ , మొండిగా వ్య‌వ‌హ‌రిస్తూ త‌ల్లిదండ్రుల స‌హ‌నానికి ప‌రీక్ష పెడుతూ ఉంటారు. అటువంటుప్పుడు కోపాన్ని నియంత్రించుకోవ‌డ‌మే కాక పిల్ల‌లు ఆ విధంగా ప్ర‌వ‌ర్తించ‌కుండా క‌ట్ట‌డి చేసే బాధ్య‌త త‌ల్లిదండ్రుల‌దే. స‌రిగ్గా ఇక్కడే పేరెంట్స్ గా మీ స‌త్తా, మీ సామ‌ర్ధ్యం బ‌య‌ట‌ప‌డుతుంది. పిల్ల‌ల కోపానికి మీరు బ‌ర‌స్ట్ అయితే మీరు ఎన్న‌టికీ మంచి త‌ల్లిదండ్రులు కాలేరు.

 

 

కోపాన్ని అదుపు చేసుకునే ప‌ద్ధతులు తెలియాలి!

 

పెంప‌కంలో త‌ల్లిదండ్రుల ముందున్న ఎన్నో స‌వాళ్ల‌లో కోపాన్ని అదుపు చేసుకోవ‌డం కూడా ఒక‌టి. అయితే ఇలా చేయాలంటే పేరెంట్స్ కొన్ని ప‌ద్ధ‌తుల‌ను అనుస‌రించాల్సి ఉంటుంది.

1. కోపాన్ని ఒక సాధార‌ణ ఉద్వేగంగానే ప‌రిగ‌ణించి, ఆ విష‌యాన్ని అంగీక‌రించాలి.
2. మీ పిల్ల‌లు త‌మ కోపాన్ని ప్ర‌ద‌ర్శిస్తున్నార‌ని, మిమ్మ‌ల్ని ఇబ్బంది పెడుతున్నార‌ని మీరు ఎమోష‌న‌ల్ ఫీల్ అయి కోపం తెచ్చుకోవ‌ద్దు.
3. మీకు దేనికి కోపం వ‌స్తుంది. ఏ ప‌ని చేస్తే మీరు ఓవ‌ర్ గా రియాక్ట్ అవుతారు అన్న విష‌యం మీ పిల్ల‌ల‌కు తెలియ‌జేయండి. అది కోపంతో కూడా చాలా శాంతంగా వాళ్ల‌కు అర్ధ‌మ‌య్యేలా చెప్పండి.
4 . భావోద్వేగాల‌కు సంబంధించి పిల్ల‌ల‌తో మీ సంబంధాలు దృఢంగా ఉండేలా చూసుకోండి.
5. మీ పిల్ల‌ల‌కు కోపం వ‌స్తే దాన్ని వారు ప్ర‌ద‌ర్శిస్తే…అస‌లు వాళ్ల కోపం దేనికోస‌మో తెలుసుకోండి.
6. కోపం వ‌చ్చిన సంద‌ర్భంలో ఏ విధంగా నియంత్రించుకోవాలో, అలా చేయ‌క‌పోతే జ‌రిగే ప‌ర్య‌వ‌సానాల‌ను వాళ్ల‌కు వివ‌రించి చెప్పండి.
7. పిల్ల‌ల‌కు కోపం యొక్క దుష్ప‌రిణామాలు చెపుతూనే అదే స‌మయంలో తాము కోపాన్ని జ‌యించేందుకు త‌గిన ప్ర‌య‌త్నాలు చేయాలి. ఎందుకంటే పిల్ల‌లు త‌ల్లిదండ్రుల‌ను ఆద‌ర్శంగా తీసుకుంటారు.

 

 

భావోద్వేగాలది కెర‌టాల తీరు!

 

కోపంతో ఉద్వేగంతో ఉన్న‌ప్పుడు మీరు పిల్ల‌ల‌కు ఏం నేర్పించ‌గ‌ల‌రు? శాంతంగా ప్ర‌శాంతచిత్తంతో ఉన్న‌ప్పుడే మీరు పిల్ల‌ల‌కు ఏమైనా నేర్పించ‌గ‌లుగుతారు. చుట్టూ ఉన్న వాతావ‌ర‌ణం, మ‌నుష్యులు, ప‌రిస్థితులు అంతా ప్ర‌శాంతంగా ఉన్న‌ప్పుడే ఎవ‌రైనా ఏమైనా నేర్చుకోగ‌లుగుతారు. దీనికి పిల్ల‌లు కూడా అతీతులు కారు. మీరు మీ పిల్ల‌లకు మంచి విష‌యాలు నేర్పి వాళ్ల‌ను మంచి వ్య‌క్తులుగా తీర్చిదిద్దాల‌నుకుంటే మీ ఇంట్లో ప్ర‌శాంతం వాతావ‌ర‌ణం ఉండేలా చూసుకోండి. అప్పుడే మీరు చెప్పింది, చెప్ప‌బోయేది పిల్ల‌ల‌కు అర్ధమ‌వుతుంది.
ఒక ఉద్వేగం అనేది ఎంత తొంద‌ర‌గా వ‌స్తుందో అంతే తొంద‌ర‌గా వ‌స్తుంది. కోపాన్ని తీసుకుంటే కోపం వ‌చ్చిన‌ప్పుడు 90 సెకండ్లు కామ్ గా ఉంటే అది పోతుంద‌ని ప‌రిశోధ‌న‌ల్లో తేలింది. కాబ‌ట్టి కోపం వ‌చ్చిన‌ప్పుడు ఉద్వేగ ప‌డ‌కుండా శాంతంగా నిరీక్షించండి. మీ కోపం క‌చ్చితంగా పోతుంది. కోపం పోయాక చెప్పే విష‌యం, జ‌రిగే చ‌ర్చ అర్ధ‌వంతంగా ఉంటాయి. పెంప‌కంలో త‌ల్లిదండ్రులు కోపాన్ని అదుపు చేసుకోవడాన్ని క‌చ్చితంగా నేర్చుకోవాల్సిందే. లేదంటే మీరు మంచి తల్లిదండ్రులు ఎప్ప‌టికీ కాలేరు.

 

( ఈ ఆర్టిక‌ల్ ను మీకు స్పాన్స‌ర్ చేస్తున్నవారు)

 

Slider నైపుణ్యాలు 

‘పొగడ్త’ మంచిదే!!

career times 0

 

త‌ల్లిదండ్రులుగా మార‌డం అన్న‌ది ప్ర‌తీ ఒక్క‌రి జీవితంలో ఒక మ‌ధురానుభూతి. పిల్లలు పుట్టాకే మ‌నిషి జీవితం ఒక అర్ధ‌వంత‌మైన మ‌లుపు తిరుగుతుంది. మ‌నిషిగా జీవితానికి ఒక సార్ధ‌క‌త ఏర్ప‌డుతుంది. అయితే పిల్ల‌ల పెంప‌కం అనేది అంత సులువైన‌ విష‌యం కాదు. పిల్ల‌ల వ‌య‌స్సు ఎంత ఉన్న కానీ త‌ల్లిదండ్రుల బాధ్యత అన్న‌ది తీరిపోయేది కాదు. పిల్ల‌లను ఎలా ప్రేమించాలి? వాళ్ల‌కు భ‌ద్ర‌మైన వాతావ‌ర‌ణం ఎలా క‌ల్పించాలి? ఏది మంచి..ఏది చెడు అన్న‌ది విడ‌మ‌ర్చి చెప్ప‌డం.? అన్న‌ది నిరంత‌రం సాగే ప్ర‌క్రియ‌. చివ‌రికి ఒక పిల్ల‌వాడు స్వ‌తంత్రంగా, విలువ‌ల‌తో, పెద్ద‌ల ప‌ట్ల గౌర‌వంతో, పూర్తి ఆత్మ‌విశ్వాసంతో ఎంత బాగా ఎదిగాడ‌న్న‌ది త‌ల్లిదండ్రుల పెంప‌కంపై ఆధార‌ప‌డి ఉంటుంది. మంచి స‌మ‌ర్ధ‌త క‌లిగిన త‌ల్లిదండ్రులు మాత్రమే మ‌న ఇప్పుడు చెప్పుకున్న ల‌క్ష‌ణాల‌తో త‌మ పిల్ల‌ల‌ను పెంచ‌గ‌ల‌రు. అంద‌రూ తాము మంచి తల్లిదండ్రులుగా ఉంటూ త‌మ పిల్ల‌ల‌ను బాగా పెంచాల‌ని అనుకుంటారు. అయితే చివ‌రికి కొంద‌రు మాత్ర‌మే మంచి త‌ల్లిదండ్రులు అనిపించుకుంటారు. అయితే కొన్ని జాగ్ర‌త్త‌లు తీసుకుంటే అంద‌రూ త‌మ పిల్ల‌ల‌కు మంచి పెంప‌కాన్ని అందించి గుడ్ పేరెంట్స్ గా మారొచ్చు. పిల్ల‌ల‌కు అంద‌మైన భవిష్య‌త్ ను కానుక‌గా ఇవ్వొచ్చు.

 

 

మీ పిల్ల‌ల‌కు ప్రేమ‌, ఆప్యాయ‌త‌ల‌ను పంచిపెట్టండి!

 

మీ పిల్ల‌ల‌కు ప్రేమ‌ను అందిస్తూ వాళ్ల‌తో ఆప్యాయంగా మెల‌గ‌డం అన్న‌ది పేరెంటింగ్ లో చాలా కీల‌కం. ప్రేమ అనేదే పిల్ల‌ల‌తో మీ బంధానికి పునాది. ఒక వెచ్చ‌ని స్ప‌ర్శ‌, ఒక భ‌ద్ర‌త‌తో కూడిన కౌగిలి వాళ్ల‌ను మీకు మానసికంగా చాలా ద‌గ్గ‌ర చేస్తాయి. చ‌క్క‌టి అనుబంధంతో త‌ల్లిదండ్రులతో పెరిగిన పిల్ల‌లు ఉన్న‌త స్థానానికి ఎదిగిన‌ట్టు శాస్త్రీయ ప‌రిశోధ‌న‌లు రుజువు చేస్తున్నాయి. ఒక అప్యాయ‌పూరిత కౌగిలి, మొఖంపై చ‌క్క‌ని చిరున‌వ్వు, ఒక మెచ్చుకోలు, ప్రేమ‌తో కూడిన అనుమతి పిల్ల‌ల ఆత్మ‌విశ్వాసాన్ని పెంచుతుంది. ప్ర‌తీ రోజూ వాళ్ల‌ను మీరు ఎంత ప్రేమిస్తున్నారో తెలియ‌జేయండి. కోపంలో ఉన్నాస‌రే వాళ్ల‌పై మీకు ఎంత ప్రేమ ఉంద‌న్న విష‌యం వాళ్ల‌కు తెలియాలి. మీ పిల్ల‌లు పుట్టిన ద‌గ్గ‌ర్నుంచి వాళ్ల‌కు వీలైన‌ప్పుడ‌ల్లా కౌగిలించుకొండి. వాళ్ల‌కు ఇబ్బంది లేకుండా ముద్దు పెట్టండి. స్ప‌ర్శ ద్వారా భద్రతను, ప్రేమను ఫీల్ అవుతారు. ఇది వాళ్లకు మానసిక ఎదుగులకు చాలా ముఖ్యమని పరిశోధకులు చెపుతున్నారు. తల్లిదండ్రులు పిల్లలకు హద్దులు లేని ప్రేమను అందివ్వాలి. మీరు మా ప్రేమను పొందాలంటే ఫలానా విధంగా చేయాలి? ఈ పనులు చేస్తేనే మిమ్మల్ని ప్రేమిస్తాం..వంటి మాటలు పిల్లలు దగ్గర అస్సలు ఉపయోగించకండి.

 

 

మెప్పుకోలు పిల్లలకు ఉత్సాహాన్ని ఇస్తుంది!

 

పొగడ్త , మెచ్చుకోలు అనేది ఎవరికైనా సరికొత్త ఉత్సాహాన్ని ఇస్తుంది. ఇది పిల్లల పెంపకంలోనూ కీలక పాత్ర పోషిస్తుంది. వాళ్లు ఏదైనా ఒక మంచి పని చేయగానే మనస్ఫూర్తిగా అభినందించి, ఆ పని చేసినందుకు వాళ్లను మెచ్చుకోండి. ఇది వాళ్లకు ఎనలేని శక్తిని ఇస్తుంది. మీరు ఇలాంటి పని కనుక చేయకుంటే వాళ్లు తమపై తాము నమ్మకం కోల్పోయి మెల్లగా ఈ ప్రపంచం నుంచి వేరై తమను తాము ఎందుకు పనికిరానివారుగా భావించుకుంటారు. మీ పిల్లలను ఒక మంచి పని చేసినప్పుడు వాళ్లను బాగా మెచ్చుకోవడంతో పాటు ఏదైనా చెడ్డ పని చేసినప్పుడు సున్నితంగా మందలించాలి. అయితే నెగెటివ్ ఫీడ్ బ్యాక్ అనేది వాళ్లపై చాలా ప్రభావం చూపుతుంది. మందలించిటప్పుడు చాలా నెమ్మదిగా చెప్పి ఆ పని చేయడం వలన వచ్చే పర్యవసానాలు వివరించాలి. నువ్వు చాలా మంచి పిల్లాడివి కదా ఆ పని ఎందుకు చేసావు? అన్న రీతిలో ఆ మందలింపు ఉండాలి. పిల్లలకు ప్రోత్సాహం లభిస్తే అద్భుతాలు సృష్టిస్తారు. అయితే మెచ్చుకోలు లో నిజాయితీ, వివరణ కూడా ఉండాలి.

 

 

ఇతరులతో మీ పిల్లలను అస్సలు పోల్చకండి

 

ప్రతీ పిల్లవాడు ఒక ప్రత్యేకం. తనదైన ప్రత్యేక లక్షణం, ప్రతిభతో ప్రతీ ఒక్కరిలో ఎనలేని శక్తి ఉంటుంది. ఇతరులతో పోల్చడం అనేది పిల్లల పెంపకంలో అస్సలు వద్దు. మిగిలిన పిల్లలతో పోల్చి నువ్వు ఎందుకూ పనికిరావు అన్న ఒక వ్యాఖ‌్య మీ పిల్లవాడిని పాతాళంలోకి తోసేస్తుంది. ఆత్మవిశ్వాసాన్ని కోల్పోయి నిజంగానే ఎందుకూ పనికిరాకుండా పోతాడు. పిల్లలపై విష‍యంలో తల్లిదండ్రులు ఎప్పుడూ ప్రతికూల వ్యాఖ్యలు చేయకూడదు. ఇలా చేయడం వలన వాళ్లలో ఆత్మన్యూనతా భావం పెరిగిపోతుంది. ఈ సృష్టిలో మీ పిల్లవాడు ఒక ప్రత్యేకమైన వాడు. అతన్ని అతని తోబుట్టువులతోనూ ఇతర స్నేహితులతోనూ ఎప్పుడూ పోల్చకండి. అతను ఇక్కడ మిగిలిన వాళ్లతో పోటీపడటానికి, వాళ్లలా మారడానికి లేడు. తనదైన ప్రతిభతో తన ప్రత్యేకతను చాటుకుంటూ స్వేచ్ఛగా ఎదిగేందుకు సృష్టించబడ్డాడు. అలాగే పిల్లల్లో ఎవర్నో ఒకర్ని ఎక్కువగా ఇష్టపడటం మిగిలిన వారిని అంతగా ఇష్టపడకపోవడం అన్నది కూడా చాలా తప్పు. అలా చేయడం పిల్లల ఎదుగుదలన తీవ్రంగా ప్రభావితం చేస్తుంది. పెంపకంలో పిల్లల మధ్య వ్యత్యాసం చూపించడం వాళ్లను మానసికంగా కుంగదీస్తుంది.

 

 

పిల్లలు చెప్పింది వినండి!

 

మీ పిల్లలతో మీకెప్పుడూ ఆరోగ్యకరమైన సంభాషణ ఉండాలి. మీరు చెప్పింది వాళ్లు వింటున్నట్టే వాళ్లు చెప్పింది కూడా మీరు ఓపిగ్గా వినండి. వాళ్లు మనసులో ఏమనుకుంటున్నారో , వాళ్లు మీతో చెప్పాలనుకుంటున్నారో అర్ధం చేసుకోండి. మీతో ఏ విష‍యమైనా స్వేచ్ఛగా చెప్పగలిగే వీలు కల్పించండి. అప్పుడే వాళ్లు మీతో స్నేహితులుగా ఉంటారు. లేదంటే అన్ని విషయాలు తమలో దాచుకుని సమస్యకు సరైన పరిష్కారం కనుక్కోలేక తప్పుడు సలహాలతో దారి తప్పుతారు. పిల్లవాడు సందిగ్దంలో ఉన్నప్పుడు అతనికి మంచి సలహా చెప్పే స్నేహితుడు మీరే కావాలి. ప్రతీరోజూ పడుకునే ముందు కానీ బ్రేక్ ఫాస్ట్ సమయంలో కానీ వాళ్లతో కొంచెం సమయం గడపండి. పిచ్చాపాటీ మాట్లాడండి. మీరెప్పుడు మీ పిల్లవాడి తెలివిని తక్కువ అంచనా వేయకండి. వాళ్లు చెప్పాలనుకుంటున్న విషయాన్ని శ్రద్ధగా వినండి. వాళ్లకు తగిన ధైర్యం ఇవ్వండి.

 

 

మీ పిల్లల కోసం సమయాన్ని సృష్టించుకోండి!

 

ప్రస్తుతం చాలా మంది తల్లిదండ్రులు తమ పిల్లల కోసం అస్సలు సమయమే కేటాయించలేకపోతున్నారు. మీరు మీ పిల్లల కోసం తగినంత సమయం కేటాయించలేకపోతున్నారంటే మీరే దేనికోసమైతే పగలు రాత్రీ కష్టపడుతున్నారో అదంతా బూడిదలో పోసిన పన్నీరే అవుతుంది. మీ పిల్లలకు తగిన సమయం కేటాయించండి. వాళ్లతో మాట్లాడండి. ఇద్దరు లేదా అంతకంటే ఎక్కువ మంది పిల్లలు ఉంటే ఒక్కొక్కరితో విడివిడిగా మాట్లాడండి. వాళ్లతో కొంచెం సమయం గడపండి. వాళ్లతో పార్క్ లకు జూకి, మ్యూజియం కు ఇలా వాళ్లకి ఇష్టమైన ప్రదేశానికి వెళుతూ ఉండండి. వాళ్ల స్కూల్ ఫంక్షన్ కు హాజరుకండి. అలాగే పిల్లల ప్రవర్తనపై టీచర్ తో మాట్లాడండి. వాళ్ల చదువు గురించి టీచర్ తో చర్చించండి.

 

(ఈ ఆర్టికల్ ను మీకు స్పాన్సర్ చేస్తున్నవారు)

 

 

Slider నైపుణ్యాలు 

మీ టీనేజీ పిల్ల‌ల‌తో గొడ‌వ రావొద్దంటే ఇలా చేయండి చాలు!!

career times 0

పిల్ల‌ల పెంప‌కంలో త‌ల్లిదండ్రుల‌కు అస‌లైన స‌వాలు వాళ్ల‌ య‌వ్వ‌న ద‌శ‌లో ఎదుర‌వుతుంది. కౌమారం దాటి య‌వ్వ‌నం లోకి వ‌చ్చిన పిల్ల‌ల‌ను హ్యాండిల్ చేయ‌డం అంత సులువైన విష‌య‌మేమీ కాదు. స్నేహితుల్లా ఉంటూనే వాళ్ల‌ను అదుపు చేయాల్సి ఉంటుంది. ఒక మ‌నిషి భ‌విష్య‌త్ ను నిర్ణ‌యించే య‌వ్వ‌నంలో పిల్ల‌ల‌కు స‌రైన దిశానిర్దేశం చేయ‌కుంటే వాళ్ల జీవితం ఇబ్బందుల్లో ప‌డుతుంది. చాలా మంది టీనేజీ పిల్ల‌లు త‌మ ప్ర‌వ‌ర్త‌న‌తో, దూకుడుతో త‌ల్లిదండ్రుల‌కు స‌వాలు విసురుతారు. ఇటువంటి స‌మ‌యంలో సంయ‌మ‌నంతో, ఓర్పుతో వ్య‌వ‌హ‌రించాల్సింది త‌ల్లిదండ్రులు మాత్ర‌మే. వాళ్లు చేస్తున్న ప‌నులు కోపం తెప్పిస్తున్నా స‌హ‌నానికి ప‌రీక్ష పెడుతున్నా స‌రే త‌ల్లిదండ్రులు పిల్ల‌ల సంక్షేమాన్నే దృష్టిలో పెట్టుకుని ప్ర‌వ‌ర్తించాల్సి ఉంటుంది. స‌హ‌నం కోల్పోయి తమ టీనేజీ పిల్ల‌ల‌తో గొడ‌వ‌ల‌కు దిగితే ప‌రిస్థితి మ‌రింత‌గా దిగ‌జారుతుంది. పిల్ల‌లు మ‌రింత మొండిగా త‌యార‌వ‌డంతో పాటు ఇంట్లో సంబంధాలు, వాతావ‌ర‌ణం దెబ్బ‌తింటాయి. ఇటువంటి ప‌రిస్థితి ఎదురైన‌ప్పుడు త‌ల్లిదండ్రులు ఏ విధంగా వ్య‌వ‌హ‌రించాల‌న్న‌దానిపై కెరీర్ టైమ్స్ ప్ర‌త్యేక క‌థనం.

 

 

 స్వీయ స‌మీక్ష చేసుకోండి!

 

కుటుంబంలో మిగ‌తా సంబంధాల‌తో పోలిస్తే పిల్ల‌ల‌తో మ‌న సంబంధం చాలా ప్ర‌త్యేక‌మైన‌ది. భావోద్వేగాల ప‌రంగా అది మ‌న వైఖ‌రిపై తీవ్ర ప్ర‌భావం చూపుతుంది. ఇత‌ర సంబంధీకుల‌తో మ‌న ఉద్వేగాల‌ను ప్ర‌ద‌ర్శించాల్సి వ‌చ్చిన‌ప్పుడు మ‌నం అంత సంఘ‌ర్ష‌ణ‌కు లోనుకాం. అదే మ‌న పిల్ల‌ల‌పై కోసం చూపించాల్సి వ‌చ్చిన‌ప్పుడు, వాళ్ల‌తో ఘ‌ర్షణ ప‌డాల్సిన సంద‌ర్భంలో మానసికంగా చాలా ఒత్తిడికి లోన‌వుతాం. ఉదాహ‌ర‌ణ‌కు పిల్ల‌లు ప్ర‌తీరోజూ తొంద‌ర‌గా ప‌డుకోకుండా మిమ్మ‌ల్ని స‌తాయిస్తూ నిద్ర‌పోమ్మ‌ని చెప్పినా త‌ల‌బిరుసుగా స‌మాధానం చెప్పిన‌ప్పుడు మీరు ఏం చేస్తారు? చాలా మంది త‌ల్లిదండ్రులు ఇక్క‌డ పిల్ల‌ల‌ను తీవ్రంగా కొప‌గించుకుని కొన్ని సంద‌ర్భాల్లో కొట్టి బ‌లవంతంగా నిద్ర‌పుచ్చుతారు. అయితే వాళ్లు నిద్ర‌పోతారు కానీ ఆ త‌ర్వాత త‌ల్లిదండ్రుల‌కు నిద్ర క‌ర‌వ‌వుతుంది. అయ్యో పిల్ల‌వాడ్ని అన‌వ‌స‌రంగా కొట్టామే! అలా కొట్ట‌కుండా న‌చ్చ‌చెప్పి ఉండాల్సింది! కోపాన్ని అదుపు చేసుకుంటే బాగుండేది! ఇలా ఆలోచిస్తూ నిద్ర‌కు దూర‌మై ఒత్తిడిని పెంచుకుంటారు. ఇటువంటి సంద‌ర్భంలో ఎలా వ్య‌వ‌హ‌రించాల‌న్న దానిపై స‌రైన అవ‌గాహ‌న లేక‌పోవ‌డ‌మే ఈ ప‌రిస్థితికి కార‌ణం. అయితే పేరెంట్స్ ఎంత ఓపిగ్గా ఉండాల‌ని నిర్ణ‌యించుకుని ఫ‌లానా సంద‌ర్భంలో ఈ విధంగా ఉండాలి అని తీర్మానం చేసుకున్న త‌ర్వాత పిల్ల‌లు మ‌రో స‌వాలుతో రెడీగా ఉంటారు. అప్పుడు ఎంత గ‌ట్టిగా అనుకున్నా ప‌రిస్థితి తీవ్ర‌త‌ను బట్టి భావోద్వేగాలు మ‌రోసారి అదుపు త‌ప్పుతాయి. ఇటువంటి స‌మ‌యాల్లో స్వీయ స‌మీక్ష చేసుకుని పిల్ల‌ల‌తో ఏ విధంగా వ్య‌వ‌హ‌రించాల‌న్న‌దానిపై స్వీయ స‌మీక్ష చేసుకుంటే ఫలితం ఉంటుంది.

 

 

పిల్ల‌ల ప్ర‌వ‌ర్త‌నకు ఒక కార‌ణం ఉంద‌ని అర్ధం చేసుకోండి!

 

కౌమారం తో పాటు య‌వ్వ‌న ద‌శలో ఉన్న పిల్ల‌లు విభిన్న కార‌ణాల రీత్యా అనుచిత ప్ర‌వ‌ర్త‌న‌కు, కోపానికీ, అల్ల‌రికి పాల్ప‌డుతూ ఉంటారు. వాళ్ల అనుచిత ప్ర‌వ‌ర్త‌నకు ఒక కార‌ణం ఉంటుంటి. స‌రిగ్గా ఆలోచిస్తే వాళ్ల ప్ర‌వ‌ర్త‌న ఎందుకు అలా ఉంద‌న్న దానిపై ఒక అంచ‌నాకు రావ‌చ్చు. చాలా మంది త‌ల్లిదండ్రులు తాము అనుకుంటున్న‌దే స‌రైన‌ది అని పిల్ల‌ల‌దే త‌ప్పు అన్న రీతిలో ఆలోచిస్తూ ఉంటారు. అయితే ఇటువంటి ఆలోచ‌నా విధానం మంచి పేరెంటింగ్ లో అనుస‌ర‌ణీయం కాదు. ఎందుకంటే పిల్ల‌ల ప్ర‌వ‌ర్త‌నకు ఒక నిర్దిష్ట‌మైన కార‌ణం ఉంటుంది. ఎందుకు చేయ‌కూడ‌దు అన్న మొండిత‌నంతోనో, అసూయ‌తోనో, కోపంతోనో వాళ్లు అలా ప్ర‌వ‌ర్తిస్తూ ఉంటారు. వాళ్ల ప్ర‌వ‌ర్త‌నను స‌రిగ్గా అర్ధం చేసుకుని అది ఎందుకు జ‌రుగుతుందో క‌నుక్కుని దానికి త‌గిన ప‌రిష్కారాన్ని వెత‌కాల్సిన బాధ్య‌త త‌ల్లిదండ్రుల‌దే. అలా కాకుండా వాళ్ల‌ను దండించి పెద్ద‌గా అరిచి వాళ్ల‌తో అల్ల‌రిని , వాళ్ల నిర‌స‌న‌ను అడ్డుకోవాల‌ని చూస్తే వాళ్లు మ‌రో ప‌ద్ధ‌తిలో దాన్ని కొన‌సాగిస్తారు. కాబ‌ట్టి స‌మ‌స్య‌కు మూల కార‌ణాన్ని గుర్తించి దానికి త‌గిన ప‌రిష్కార మార్గాన్ని క‌నిపెట్టాలి.

 

 

పిల్ల‌ల‌కు స్వంత నిర్ణ‌యాలు తీసుకునే స్వేచ్ఛనివ్వండి!

 

ఒక్క‌సారి మీ చిన్నత‌నాన్ని గుర్తుకు తెచ్చుకొండి. మీ త‌ల్లిదండ్రులు ఫ‌లానా టైంకి నిద్ర‌లేవాలి..ఫ‌లానా టైం తినాలి..ఈ టైంకే ఆ ప‌ని చేయాలి..చివ‌రికి ఫ‌లానా మాట‌లే మాట్లాడాలి అని మిమ్మ‌ల్ని స‌తాయిస్తున్న‌ప్పుడు మీరు ఏ విధంగా ఫీల్ అయి ఉంటారు. ఇప్పుడు మీరు కూడా అటువంటి అభిప్రాయాలు, క్ర‌మ‌శిక్ష‌ణ రుద్దుడు కార్య‌క్ర‌మం పెడితే పిల్ల‌లు ఎంత ఒత్తిడికి లోన‌వుతారో ఆలోచించారా? పిల్ల‌లు సొంతంగా నిర్ణ‌యాలు తీసుకునేలా, వ్య‌వ‌హ‌రించేలా వారికి స్వేచ్ఛ‌నివ్వండి. అయితే ఆ స్వేచ్ఛ దారి త‌ప్ప‌కుండా కాస్త ప‌ర్య‌వేక్ష‌ణ చేయండి చాలు. వాళ్లు సొంతంగా ఎదిగేందుకు మార్గం సుగ‌గ‌మ‌వుతుంది. మీ ఐదేళ్ల పిల్ల‌లైనా స‌రే షాప్ కు వెళ్లిన‌ప్పుడు నాకు ఫ‌లానా డ్రెస్ న‌చ్చింది అదే కొనుక్కుంటాను అంటే అలానే చేయండి. ఎందుకంటే వాళ్లు సొంతంగా నిర్ణ‌యాలు తీసుకోవ‌డం నేర్చుకుంటున్నారు. వాళ్ల మ‌న‌స్సుకు న‌చ్చిన పని చేయాల‌ని ఉవ్విళ్లూరుతున్నారు. వాళ్ల కాళ్ల‌కు బంధ‌నాలు వేయ‌కండి. వాళ్ల ఎంపిక‌ను గౌర‌వించండి. వాళ్ల ఆలోచ‌న‌ను అర్ధం చేసుకోండి.

 

 

స్నేహితుల్లా మెల‌గండి!

 

ఒక పిల్ల‌వాడు అదే ప‌నిగా త‌ల్లిదండ్రులు వ‌ద్ద‌న్న పనిని చేస్తున్నాడంటే అది వాళ్ల‌కు అతిపెద్ద స‌వాలే. ఇటువంటి స‌మ‌యంలో చాలా మంది త‌ల్లిదండ్రులు స‌హ‌నం కోల్పోతారు. చిన్న పిల్ల‌వాడు అయితే కొట్ట‌డ‌మో లేదా కాస్త పెద్ద పిల్ల‌వాడు అయితే ఘ‌ర్ష‌ణ ప‌డ‌ట‌మో చేస్తూ ఉంటారు. అయితే ఇలా స‌హ‌నం కోల్పోయి వాళ్ల‌తో గొడ‌వ ప‌డ‌టం అనేది అంత మంచి ఫ‌లితాల‌ను ఇవ్వ‌దు. పైగా మీ పిల్ల‌ల‌తో మీ అనుబంధాన్ని తీవ్రంగా దెబ్బ‌తీస్తుంది. అయితే చేయాల్సింది గొడ‌వ ప‌డ‌టం కాదు. వాళ్ల‌తో సామ‌ర‌స్యంగా మాట్లాడాలి. స‌రే ఈ స‌మ‌స్య‌కు నువ్వే ప‌రిష్కారం చెప్పు..నువ్వు చేస్తున్న ప‌నుల వ‌ల‌న ఇటువంటి ఇబ్బందులు ఎదుర‌వుతున్నాయి..నువ్వు స‌మ‌స్య ఏంటో చెప్ప‌డం లేదు. కాబ‌ట్టి ప‌రిష్కారం చేయాల్సిందే కూడా నువ్వే అంటూ వాళ్లతో మాట్లాడాలి. ఇలా మాట్లాడ‌టం వ‌ల‌న పిల్ల‌లు ఆలోచ‌న‌లో ప‌డ‌తారు. త‌న ప్ర‌వ‌ర్త‌న ఇంతలా త‌న పేరెంట్స్ ను బాధిస్తుందా? అన్న కోణంలో ఆలోచించ‌డం మొద‌లుపెడ‌తారు. త‌మ‌కు ఏమైనా స‌మ‌స్య‌లు ఉంటే త‌ల్లిదండ్రుల‌తో స్వేచ్ఛ‌గా చెపుతారు. కాబ‌ట్టి పెంప‌కంలో స‌హ‌నంతో వ్య‌వ‌హ‌రించండి. మ‌నం ముందు చెప్పుకున్న‌ట్టు పెంప‌కం అనేది అంత సులువైన విష‌య‌మేమీ కాదు. మానసికంగా మ‌న‌ల్ని మ‌నం ఎప్ప‌టిక‌ప్పుడు స‌రి చేసుకుంటూ కొత్త విష‌యాలు నేర్చుకుంటూ ఉద్వేగాల‌ను అదుపులో ఉంచుకున్న‌ప్పుడే మంచి త‌ల్లిదండ్రులం అనిపించుకోగ‌లం.

 

(ఈ ఆర్టిక‌ల్ ను మీకు స్పాన్స‌ర్ చేస్తున్న‌వారు)

 

 

 

Slider నైపుణ్యాలు 

ఈ ల‌క్ష‌ణాలు క‌నిపిస్తే మీ కుటుంబం బాగా ఒత్తిడిలో ఉన్న‌ట్టే!

career times 0

 

ఈ ఉరుకుల ప‌రుగుల ఆధునిక జీవితంలో ప్ర‌తీ ఒక్కరిని వేధించే స‌మ‌స్య ఒత్తిడి. అయితే ఇంట్లో, పనిలో ఒత్తిడిని ఎలా ఎదుర్కోవాల‌న్న దానిపై పెద్ద‌వాళ్ల‌కు కాస్త అనుభ‌వం వ‌చ్చి తీరుతుంది. కానీ ఇంట్లో చిన్న పిల్ల‌లు కూడా ఒత్తిడి లోనైతే అది కుటుంబాల‌ను తీవ్రంగా ప్ర‌భావితం చేస్తుంది. పిల్ల‌ల‌పై ఒత్తిడి ఉన్న‌ప్పుడు అది క‌చ్చితంగా పెంప‌కంపై పెను ప్ర‌భావాన్ని చూపుతుంది. ఇంట్లో సామ‌ర‌స్య పూర్వ‌క వాతావ‌ర‌ణాన్ని క‌ల్పించుకుని కుటుంబ స‌భ్యులంతా ఒత్తిడి లేకుండా జీవించ‌గ‌లిగిన‌ప్పుడే అది స‌రైన కుటుంబం అనిపించుకుంటుంది. లేదంటే ఒత్తిడి ద్వారా వ‌చ్చే దుష్పరిణామాలు ఊహకు అంద‌ని దారుణంగా ఉంటాయి. కుటుంబ క‌ల‌హాలు, తల్లిదండ్రుల మ‌ధ్య గొడ‌వ‌లు, ప్ర‌ణాళిక బ‌ద్ధంగా లేని జీవితం ఇవ‌న్నీ పిల్ల‌ల‌పై ఒత్తిడిని క‌లిగించే విష‌యాలే. వీలైనంత తొంద‌ర‌గా కుటుంబంలో ప్ర‌తికూల‌త‌ల‌ను తొలిగించుకుని పిల్ల‌ల‌కు ఒక సానుకూల వాతావ‌ర‌ణం క‌ల్పించ‌లేకుంటే మీ పిల్ల‌ల భ‌విష్య‌త్ ను చేజేతులా నాశ‌నం చేసిన వార‌వుతారు. అస‌లు ముందుగా మీ కుటుంబంలో ఒత్తిడిలో ఉందో లేదో తెలుసుకోవ‌డం ముఖ్యం. కుటుంబాల్లో ఒత్తిడిని గుర్తించేందుకు మాన‌సిక నిపుణుల కొన్ని ప‌ద్ధతుల‌ను పాటిస్తున్నారు. అవేంటో మ‌నం కూడా తెలుసుకుందామా?

 

 

ఇంట్లో ఎవ‌రూ సరిగ్గా నిద్ర‌పోక‌పోవ‌డం!

 

ఒత్తిడి ఉన్న‌ప్పుడు ముందుగా ఎదుర‌య్యే స‌మ‌స్య నిద్ర స‌రిగ్గా ప‌ట్ట‌క‌పోవ‌డం. మ‌న‌స్సు అంతా అల‌జడిగా ఉన్న‌ప్పుడు ఏదైనా ఒక విష‌యం గూర్తి అతిగా ఆలోచిస్తున్న‌ప్పుడు మ‌న‌కు తెలీకుండానే ఒత్తిడిలోకి జారుకుంటాం. ఇంట్లో అల‌జడి, నిరుత్సాహ‌క‌ర‌మైన వాతావ‌ర‌ణం ఉన్న‌ప్పుడు పెద్ద‌ల‌తో పాటు పిల్ల‌లు కూడా ఒత్తిడిలోకి జారుకుంటారు. నిద్ర‌కు దూర‌మ‌వుతారు. ఈ ల‌క్ష‌ణం క‌నిపించిన వెంట‌నే త‌ల్లిదండ్రులు త‌గు జాగ్ర‌త్తలు తీసుకోవాలి. నిర్దేశిక స‌మ‌యం కంటే ఒక అర‌గంట ముందుగానే నిద్ర‌కు ఉప‌క్ర‌మంచాలి. నిద్ర‌పోయే ముందు ఎల‌క్ట్రానిక్ గాడ్జెట్స్ కు దూరంగా ఉండాలి. ముందుకు పిల్ల‌ల‌ను ప‌డుకోబెట్టి అప్పుడు త‌ల్లిదండ్రులు ప‌డుకోవాలి.

 

 

ఒక‌రితో ఒక‌రు గ‌ట్టిగా మాట్లాడుకోవ‌డం

 

మీ కుటుంబం ఒత్తిడిలో ఉందో లేదో తెలుసుకోవాలంటే మీ చెవుల‌ను వాడితే స‌రిపోతుంది. ఏదైనా ఒక‌రోజు నిశితంగా గ‌మ‌నించి చూడండి. మీ కుటుంబ స‌భ్యులు ఒక‌రితో ఒక‌రు గ‌ట్టిగా అరుచుకున్న‌ట్టు మాట్లాడుకుంటున్నారంటే మీ ఫ్యామిలీలో ఒత్తిడి ఉన్న‌ట్టే. అస‌హ‌నం వ‌ల‌నే గొంతు పెరుగుతుంది. ఒక‌రంటే ఒక‌రు అస‌హ‌నంగా ఉండ‌టం వ‌ల‌న క‌లిగిన ఒత్తిడి గ‌ట్టిగా అరుస్తూ వెల్లడి చేస్తున్నార‌ని మీరు అర్ధం చేసుకోవ‌చ్చు. ముఖ్యంగా పిల్ల‌లు అయిన దానికీ కానీ దానికి అస‌హ‌నం వ్య‌క్తంగా చేస్తూ గ‌ట్టిగా అరుస్తున్నారంటే మీ కుటుంబం ప్ర‌మాదంలో ఉన్న‌ట్టే. ఈ ప‌రిస్థితిని గ‌మ‌నించిన‌ప్పుడు ముందు మీ మాట యొక్క శ‌బ్దాన్ని త‌గ్గించండి. అవ‌త‌లి వ్య‌క్తులు కోపం తెప్పించినా నిదానంగా విని మెల్ల‌గా స‌మాధానం ఇచ్చేందుకు రెడీ అవండి. బాగా కోసం వ‌చ్చిన‌ప్ప‌టికీ దీర్ఘ‌శ్వాస తీస్తూ దాన్ని అదుపు చేసుకునేందుకు ప్ర‌య‌త్నించండి. ఒత్తిడిని త‌గ్గించే ప్ర‌య‌త్నాన్ని మీ నుంచే మొద‌లు పెట్టండి.

 

 

త‌ర‌చూ క‌లిసి భోజ‌నం చేయ‌డం లేదా?

 

ప‌ని ఒత్తిడి మూలాన త‌ల్లిదండ్రుల్లో ఎవ‌రో ఒక‌రు రాత్రి వేళ‌ల్లో కుటుంబం అంతా క‌లిసి భోజ‌నం చేసే సంద‌ర్భంలో ఉండ‌రు. ఇది పిల్ల‌ల‌పై బాగా ప్ర‌భావాన్ని చూతుతుంది. త‌ల్లిదండ్రుల‌కు మేమంటే లెక్క‌లేద‌ని అందుకే త‌మ‌తో డిన్న‌ర్ చేయ‌డం లేని చాలా మంది పిల్ల‌లు భావిస్తారు. కొన్ని రోజుల త‌ర్వాత తాము ఇంట్లో నే ఉన్నా త‌ల్లిదండ్రుల‌తో క‌లిసి భోజ‌నం చేసేందుకు వారు సుముఖత వ్య‌క్తం చేయ‌రు. ఈ పరిణామం అటు త‌ల్లిదండ్రుల‌ను ఇటు పిల్ల‌ల‌ను ఇద్ద‌ర్నీ ఒత్తిడికి గురిచేస్తుంది. మ‌న‌స్సు విప్పి మాట్లాడుకునే సంద‌ర్భాలు క‌ర‌వైపోవ‌డంతో ఒక‌రిపై ఒక‌రు న‌మ్మ‌కాన్ని కోల్పోతారు. ఇలాంటి సందర్భం ఎదురైన‌ప్పుడు ఇంట్లో త‌ల్లి త‌గిన జాగ్ర‌త్త‌లు తీసుకోవాలి. రాత్రి పూట అంద‌రూ క‌లిసి భోజ‌నం చేసేలా ప్ర‌ణాళిక సిద్ధం చేసుకోవాలి. భోజ‌నం చేసే స‌మ‌యంలో మ‌న‌సువిప్పి మాట్లాడుకుంటూ ఉల్లాసంగా గ‌డిపేందుకు ప్రాధాన్య‌త‌నివ్వాలి.

 

 

మీ పిల్ల‌లు పూర్తి సైలెంట్ గా మారిపోయారా?

 

ఇంట్లో ఒత్తిడి అధికంగా ఉన్న‌ప్పుడు చాలా మంది పిల్ల‌లు సైలెంట్ అయిపోతారు. ముభావంగా ఉంటూ అస్త‌మానూ త‌మ రూమ్ లోకి వెళ్లి త‌లుపులు వేసుకుంటారు. చివ‌రికి త‌ల్లిదండ్రుల‌తో పూర్తిగా మాట్లాడ‌టం మానేస్తారు. ఈ స‌మ‌యంలో త‌ల్లిదండ్రులు కూడా ఒత్తిడికి గురై వాళ్ల‌పై కోపంతో మాట్లాడ‌టం మానేస్తే ప‌రిస్థితి అదుపు త‌ప్పుతుంది. ఇటువంటి సంద‌ర్భాల్లో మీ పిల్ల‌ల‌తో మ‌న‌స్సు విప్పి మాట్లాడండి. వాళ్లు మ‌న‌సులో ఏం అనుకుంటున్నారో తెలుసుకునే ప్ర‌య‌త్నం చేయండి.ఇటువంటి స‌మ‌యాల్లో పిల్ల‌లు అధికంగా తిన‌డం, అధికంగా నిద్ర‌పోవ‌డం చేస్తూ ఉంటారు. ఇది కూడా ఇంట్లో ఒత్తిడి ఉంది అన‌డానికి ఒక సంకేతం.

 

 

ప‌నిలో ఇబ్బందులు ప‌డుతున్నారా?

 

చేస్తున్న ప‌నిలో ఇబ్బందులు ఎదుర్కొంటున్నారా? అయితే ఇది కూడా మీరు ఒత్తిడిలో ఉన్నార‌న‌డానికి ఒక సంకేత‌మే. ప్ర‌తీ సారి అనుకున్న స‌మ‌యానికి ప‌నిని పూర్తిచేయ‌లేకపోవ‌డం, త‌రుచూ ఆఫీస్ ప‌నిలో ఇబ్బందులు ప‌డుతున్నారంటే మీరు ఒత్తిడిలో ఉన్న‌ట్టే. ఇది మీ కెరీర్ ను అలాగే కుటుంబ భ‌విష్య‌త్ ను తీవ్రంగా ప్రభావితం చేస్తుంది. కాబ‌ట్టి ఈ ఒత్తిడిని వ‌దిలించుకునేందు మీరు వీలైనంత తొంద‌ర‌గా ప్ర‌య‌త్నం చేయాలి. ఎందుకంటే మీ కెరీర్ కు మీ పిల్ల‌ల భ‌విష్య‌త్ కు మంచి సంబంధం ఉంటుంది క‌నుక‌. ఈ విష‌యంపై మీ జీవిత భాగస్వామితో మాట్లాడి స‌మ‌స్య‌ను ప‌రిష్క‌రించుకొండి. ఉద‌యం ఉత్సాహంగా ఆఫీస్ కు వెళ్లేందుకు రెడీ అవండి. దీని వ‌ల‌న రోజంతా ఉత్సాహంగా పనిచేయ‌డ‌మే కాక ఆ సానుకూల ప్ర‌భావం మ‌రుస‌టి రోజు కూడా ఉత్సాహాన్నిస్తుంది.

 

 

ఇంట్లో అంద‌రూ త‌ర‌చూ జ‌బ్బు ప‌డ‌టం!

 

వ‌య‌స్సుతో సంబంధం లేకుండా ఆరోగ్య స‌మ‌స్య‌లు వేధిస్తున్న‌ప్పుడు మీ ఇంట్లో ఒత్తిడి ఉందేమో ఒక‌సారి చెక్ చేసుకోండి. చిన్న పిల్ల‌లు కూడా త‌ర‌చుగా క‌డుపు నొప్పి అంటూ బాధ‌ప‌డుతూ ఉంటారు. అలాగే రాత్రిపూట పీడ‌క‌ల‌లు వ‌స్తున్నాయ‌ని ఫిర్యాదు చేస్తారు. అలాగే పెద్ద వాళ్ల‌కి మెడ నొప్పి, భుజం నొప్పి, న‌డుం నొప్పి వంటి స‌మ‌స్య‌లు వేధిస్తాయి. ఇలా జ‌రుగుతుంది అంటే మీ ఇంట్లో ఒత్తిడితో కూడిన వాతావ‌ర‌ణం ఉన్న‌ట్టే. ఇక ఈ స‌మ‌స్య‌ల వ‌ల‌న నిద్ర స‌రిగ్గా ప‌ట్టక‌పోవ‌డంతో స‌మ‌స్య మ‌రింత తీవ్ర‌మ‌వుతుంది. దీని వ‌ల‌న రోగ‌నిరోధ‌క శ‌క్తి కూడా త‌గ్గిపోతుంది. ఇలాంటి ప‌రిస్థితి ఉన్న‌ప్పుడు కుటుంబ స‌భ్యులు ఉల్లాసంగా గ‌డిపేందుకు త‌గిన స‌మ‌యాన్ని వెచ్చించాలి. క‌లిసి భోజ‌నం చేయ‌డం, సినిమా చూడ‌డం, పార్క్ లో స‌ర‌దాగా సేద‌తీరడం వంటి ప‌నులు చేస్తే ఆరోగ్యం మెరుగ‌వుతుంది.

 

( ఈ ఆర్టిక‌ల్ ను మీకు స్పాన్స‌ర్ చేస్తున్నవారు)

 

Slider నైపుణ్యాలు 

2018 లో తల్లిదండ్రులు ఈ తీర్మానాలు తప్పక తీసుకోవాలి!

career times 0

 

కొత్త ఏడాదిలోకి అడుగుపెట్టాము. కొత్త ఆశలు, కొత్త ఆశయాలు, కొత్త లక్ష్యాలతో ఈ ఏడాదిని ప్రారంభించాలని అందరూ తీర్మానాలు చేసుకుంటారు. కొందరు కెరీర్ ను నిర్మించుకోవాలని మరికొందరు ఆరోగ్యాన్ని కాపాడుకోవాలని, ఇంకొందరు ప్రణాళికాబద్ధంగా జీవించాలని ఇలా ఏవేవో ప్లానింగ్ చేస్తారు. వ్యక్తిగత తీర్మానాలను కాస్త పక్కన పెడితే ఈ నూతన సంవత్సరంలో తల్లిదండ్రులు కూడా తమ పిల్లల పెంపకంలో కొన్ని తీర్మానాలు చేసుకోవాలి. విలువలతో కూడిన పెంపకాన్ని వారికి అందించేందుకు వాళ్లను మంచి పౌరులుగా తీర్చిదిద్దేందుకు ప్రణాళికలు సిద్ధం చేసుకోవాలి. ఇప్పటి వరకూ చేసిన పొరపాట్లను సరిదిద్దుకుని కొంగ్రొత్తగా తీర్మానాలు చేసుకుని వాటికి అనుగుణంగా పిల్లల బంగారు భవిష్యత్ కు బాటలు వేయాలి.

 

1. పిల్లలకు అభద్రతా భావం కలగనీయకండి

 

భయంభయంగా పెరిగే పిల్లల్లో అభద్రతా భావం గూడుకట్టుకుపోతుంది. ఇటువంటి పిల్లలు ఆత్మవిశ్వాసాన్ని కోల్పోయి పిరికివాళ్లుగా తయారవుతారు. తమ పిల్లలు ధైర్యంతో ఉన్నారా? లేదా అన్నది తల్లిదండ్రులు ఎప్పటికప్పుడు సమీక్ష చేసుకోవాలి. చాలా మంది తల్లిదండ్రులు తమకు తెలీకుండానే పిల్లలకు అభద్రతాభావాన్ని కలిగిస్తారు. ఇది చాలా ప్రమాదకరమైన పరిస్థితి. మీ పిల్లలను అలా ఎప్పటికీ కానీయకండి. వారు ఎటువంటి భయాలకు లోనుకాకుండా పూర్తి భద్రతతో స్వేచ్ఛగా పెరిగేలా చూడాల్సిన బాధ్యత తల్లిదండ్రులదే. కాబట్టి పెంపకంలో అభద్రత అనేదాన్ని మీ పిల్లల దరిచేరకుండా చూసుకొండి.

 

 

2. పిల్లలు మంచి లక్ష్యాన్ని ఏర్పరుచుకునేలా చేయండి

 

పిల్లలు ఒక లక్ష్యాన్ని ఏర్పరుచుకుని దానికి అనుగుణంగా ప్రణాళికలు సిద్ధం చేసుకునేలా మీ పిల్లలను ప్రోత్సహించండి. అలా జరగాలి అంటే పిల్లలు చేసే మంచి పనులను ఎప్పటికప్పుడు మెచ్చుకొండి. గుర్తింపు లభించడం అన్నది పిల్లలకు ఎనలేని శక్తిని ఇస్తుంది. గుర్తింపు పొందే వాతావరణం అన్నది పిల్లల పెంపకంలో చాలా ముఖ్యమైన విషయం. ఈ కొత్త సంవత్సరంలో తల్లిదండ్రులు ఈ తీర్మానాన్ని కచ్చితంగా తీసుకోవాలి.

 

3. మీ పిల్లలతో అధిక సమయం గడపండి!

 

ఈ ఏడాది మీరు తప్పనిసరిగా చేసుకోవాల్సిన తీర్మానాల్లో ఇది కచ్చితంగా ఉండేలా చూసుకోండి. ఎందుకంటే ప్రస్తుతం తల్లిదండ్రులు పిల్లలతో అధిక సమయం గడపలేకపోతున్నారు. ఉద్యోగం, కెరీర్ అంటూ పరుగెత్తడంతో పిల్లలతో గడిపే సమయం తగ్గిపోతుంది. ఇది పెంపకంపై పెను ప్రభావాన్ని చూపుతుంది. కెరీర్ కు ఉద్యోగానికి ఇంపార్టెన్స్ ఇస్తూనే అదే సమయంలో వాళ్లతో గడిపేందుకు తగిన సమయ ప్రణాళిక వేసుకోండి. వాళ్లతో కలిసి ఆటలాడేలా, వాళ్లతో కలిసి పుస్తకాలు చదివేలా ప్రణాళిక తయారు చేసుకుంటే మంచిది. వాళ్లలో ఒకడిలా , స్నేహితుడిలా కలిసిపోతే అది వాళ్లకు మధుల జ్ఝాపంగా మిగిలిపోతుంది.

 

 

4. ఎట్టి పరిస్థితుల్లోనూ సహనాన్ని కోల్పోకండి!

 

పిల్లల పెంపకంలో సహనం అనేది చాలా చాలా ముఖ్యం. మీరు సహనం కోల్పోతే మీరు మంచి తల్లిదండ్రులు ఎప్పటికీ కాలేరు. గతంలో మీరు సహనం కోల్పోయిన సమయాలను వదిలేయండి . ఈ కొత్త ఏడాదిలో సహనం కోల్పోకుండా ఉండాలని గట్టిగా అనుకోండి. పిల్లలు ఎంత విసిగించినా సహనాన్ని మాత్రం కోల్పోకండి. ఇలా మీరు సహనంతో ఉండటం అనేది వాళ్లలో ఓపికను పెంచుతుంది. మీ నుంచి ఈ మంచి గుణాన్ని వారు నేర్చుకుంటారు.

 

5. కల్మషం లేకుండా ఉండండి!

 

మీ పిల్లలను మీరు పరిపూర్ణ వ్యక్తులుగా చూడాలి అనుకుంటే ముందు మీరు అలా ఉండటానికి ప్రయత్నించండి. ఎందుకంటే మనసులో ఎటువంటి కల్మషం వ్యక్తులు మాత్రమే పరిపూర్ణులవుతారు. మీ పిల్లలపై అదుపుతో కూడా అమితమైన ప్రేమను కురిపించండి. అలాగే మీ మాటలో, ప్రేమలో చివరికి కోపంలో కూడా ఎటువంటి కల్మషం లేకుండా నిజాయితీగా ఉండండి. వారు మెల్లగా ఆ గుణాన్ని మీ నుంచి నేర్చుకుంటారు. వాళ్ల మానసిక ఆరోగ్యం కుదుటపడి మంచి ఆరోగ్యవంతులుగా ఎదుగుతారు.

 

 

6. భార్యభర్తల బంధం విలువను తెలియజేయండి!

 

మీ పిల్లల ముందు ఎట్టి పరిస్థితుల్లోనూ గొడవ పడకండి. ఇది పిల్లల మానసిక ఎదుగుదలపై తీవ్ర ప్రభావాన్ని చూపుతుంది. భార్యాభర్తలు గొడవ పడే ఇళ్లలో పెరిగే పిల్లలు పెద్దయ్యాక వాళ్ల వైవాహిక జీవితం కూడా చిధ్రమైనట్టు పరిశోధనలో తేలింది. కాబట్టి మీ పిల్లల ముందు ఎప్పుడూ గొడవ పడొద్దు. పైగా మీ బంధం ఎంత ధృఢమైనదో వాళ్ల తెలియజేసేలా చెప్పండి. ఒకరిని ఒకరు ఎంత గౌరవించుకుంటారో ఎంత సామరస్యంగా ఉంటారో వాళ్లకు తెలిసేలా చేయండి. ఇలా చేయడం వలన మీపై గౌరవం పెరగడమే కాదు భవిష్యత్ లో ప్రేమ విలువను వాళ్లు తెలుసుకుంటారు.

 

7. అవసరమైన సందర్భంలో పిల్లల్ని పొగడండి!

 

మీ పిల్లలు ఏదైనా ఒక ఘనత సాధించినప్పుడు వాళ్లను వెంటనే మెచ్చుకొండి. వాళ్లు చేసిన మంచి పనుల్ని కీర్తించండి. నువ్వు అలా చేసి మంచి పిల్లాడివి అని నిరూపించుకున్నావు..నువ్వు చాలా మంచి అబ్బాయివి. అని బాహాటంగా చెప్పండి. ఇలా చెప్పడం వాళ్లకు ఎనలేని శక్తిని ఇస్తుంది. తర్వాత మంచి పనులు చేసేందుకు వాళ్లను ప్రేరేపిస్తుంది.

 

 

8. అమర్యాదను అస్సలు సహించకండి!

 

మంచి పెంపకంలో ఇటువంటి చెడు సందర్భం అస్సలు ఎదురుకాదు. కానీ ఇప్పటికే మీరు కాస్త నిర్లక్ష్యం చేసి ఇకపై మంచి పెంపకం అందించాలనుకుంటున్నప్పుడు మీరు చేయాల్సిన ప్రక్షాళన కార్యక్రమాల్లో ఇదొకటి. తల్లిని కానీ లేదా తండ్రిని కానీ గౌరవించకపోతే అసలు సహించకండి. అది ఎంత చెడు విష‍యమో వాళ్ల తెలియేజేయండి. అలా మాట్లాడటం తగదని తల్లిదండ్రులను గౌరవించడం ఎలానో చెప్పండి. ఈ విష‍యంలో అలసత్వం అసలు పనికిరాదు.

 

9. ఆదర్శనీయుల కథలు చెప్పండి!

 

పిల్లలకు నిద్రపోయే సమయంలో వాళ్ల పక్కన కొద్ది సమయం గడపండి. స్పూర్తినిచ్చే ఆదర్శనీయుల జీవితాలను వాళ్లకు విడమర్చి చెప్పండి. ఎందుకు అతన్ని అందరూ కీర్తిస్తున్నారో, అతని ఏ గుణాలు ఇంతలా అందరికీ నచ్చాయో తెలియజెప్పండి. ఇధి వాళ్లపై సానుకూల ప్రభావాన్ని చూపుతుంది. తమకు తెలికుండానే మీరు గొప్పగా చెప్పిన ఫలానా వ్యక్తిలా మారేందుకు వాళ్ల ప్రయత్నం వాళ్లు చేస్తారు.

 

10. విలువల యొక్క విలువ తెలియజెప్పండి

 

మీరు దయతో , నిజాయితీతో, గౌరవంతో ఉన్నప్పుడు మీ చుట్టు ఉన్న వారు కూడా అదే విధంగా ఉంటారు. ఎందుకంటే మీరు ఏది ఇస్తే అదే మీకు తిరిగి వస్తుంది. విలువ యొక్క గొప్పతనం అది. మీ పిల్లలకు కూడా విలువల యొక్క ప్రాముఖ్యతను వివరించి చెప్పండి. విలువలతో బతికితేనే భవిష్యత్ ఉంటుందని చెప్పండి. దాని కోసం మీరు విలువలతో జీవించడం నేర్చుకోండి. అప్పుడే మీ పిల్లలు మిమ్మల్ని ఆదర్శంగా తీసుకుంటారు.

 

(ఈ ఆర్టికల్ ను మీకు స్పాన్సర్ చేస్తున్నవారు)